HEBREOS 6:12 - Nuevo Testamento en Quichua Cañar 1996

¹² Q'uillacuna tucuchunca mana munanchicchu, ashtahuanpish crishcamanta mana p'iñaric, alli shunguhuan Dios cusha nishcata japiccuna cachunmi munanchic.

Dios Rimashcata Quillcashcami

¹² Quillacuna cachun mana munanchicchu, ashtahuanpish alli crishpa, mana piñarishpa, Dios cusha nishcata japiccuna cachunmi munanchic.

HEBREOS 6:12 Referans Kwoze

HEBREOS 13:7

Diosmanta alli huillaita maijan cancunaman huillashpa pushashcataca yuyarichicyari. Paicuna causashcata yuyarishpa, paicuna ima shina crishcata ricushpa c'atichic.

HEBREOS 10:36

Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

1 JUAN 2:25

Jesucristoca huiñai causaitami ñucanchicmanca cusha nishca.

ROMANOS 12:11

Apunchic Jesuspacta ruhuacushpaca, ama q'uillacushpa tucui shunguhuan ruhuaichic.

HEBREOS 5:11

Caicuna jahuaca achcatami rimana canchic. Shina cacpipish cancuna imapish mana utca entendiclla cashcamantami, cancunaman huillanaca sinchi can.

2 PEDRO 1:10

Chaimanta c'uyashca criccuna, cancunata Dios acllashpa c'ayashcamantaca, caicunata yuyaipi charishpami causana canguichic. Chashna causashpami, jaicapi mana pandaringuichic.

SANTIAGO 1:3

Cancuna cric cashcamanta ima llaqui japicpica, mana p'iñarishpa, alli shunguhuan llaquicunata apana cashcatami yachacunguichic. Chaitaca ña yachanguichicmi.

HEBREOS 12:1

Shina cashcamanta ñucanchic muyundicpi Diosta alli crishcata ricuchiccuna p'uyu shina achcacuna tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcamanca mana shaicushpa rishunchiclla.

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

ROMANOS 4:12

Abrahamca circuncisionta ruhuashcacunapacpish taitami. Mana circuncisionta paicuna ruhuashcallamantachu, ashtahuanpish Abraham manarac circuncisionta ruhuashpa, pai crishpa ima shina causacushcata yuyarishpa c'aticushcamantami paicunapac taita.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

APOCALIPSIS 13:10

Maijanpish prezu apana cacca prezu apashcami canga. Shinallatac espadahuan huañuchina cacca espadallahuantacmi huañuchishca canga. Chashna tucucpimi Diospaclla caccunaca Diosta tucui shunguhuan crishpa c'atina can.

HEBREOS 11:33

Crishcamantami llactata mandaccunahuan macanacushpa mishashpa, paicunaca cashcata ruhuac mandaccunapish tucurcacuna. Dios cushami nishca allicunatapish japircacunami. Shinallatac leoncunapac shimicunatapish, ama imata ruhuachun huichcarcacunami.

HEBREOS 6:15

Abrahamca mana p'iñarishpa, alli shunguhuan shuyacushpallami, Taita Dios cushami nishcataca chasquirca.

2 TESALONICENSES 1:4

Cancunata llaquichicucpipish, p'iñacucpipish alli crishpa, sinchita c'aticushcataca, tandanacushca criccunamanca cushicushpami parlanchic.

SAN LUCAS 8:15

Ashtahuanpish alli allpapi urmashca muyu shinaca, Dios rimashca shimita tucui shunguhuan uyashpa, alli cazushpa mana cungariccunami. Chashna c'atishpami, alli p'ucuc shina ricurincuna.

SAN MATEO 22:32

‘Ñucaca Abrahampac, Isaacpac, Jacobopac Diosmi cani’ nishcami. Taita Diosca mana huañushcacunapac Dioschu, ashtahuanpish causaccunapac Diosmi— nirca.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

SAN LUCAS 16:22

Chashna huaccha runa ña huañucpica, angelcuna shamushpa, jahua pachapi causacuc ñaupa taita Abrahampac cuchumanmi paipac almataca aparcacuna. Shinallatac chai chayuc runapish huañucpica, enterrashcami carca.

SAN MATEO 25:26

Shina nicpi chai amoca: ‘¡Canca mana alli ñucapacta ruhuac, millai shinallatac q'uilla runami cangui! Ñuca manapish tarpushpa tandachic, manapish imata cushpa chasquic cashcataca yachashcanguimi.