HEBREOS 6:11 - Nuevo Testamento en Quichua Cañar 1996

¹¹ Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.

Dios Rimashcata Quillcashcami

¹¹ Dios tucui pactachingacaman, chashna allita catichunmi munanchic.

HEBREOS 6:11 Referans Kwoze

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

2 PEDRO 1:10

Chaimanta c'uyashca criccuna, cancunata Dios acllashpa c'ayashcamantaca, caicunata yuyaipi charishpami causana canguichic. Chashna causashpami, jaicapi mana pandaringuichic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

APOCALIPSIS 2:26

Maijanpish tucuringacaman ñuca nishcata cazushpa millaita mishaccunamanca, llactacunata mandanatami cusha.

1 JUAN 3:14

Ñucanchicca criccunata c'uyaccuna cashpami, huañuimanta causaiman pasashca cashcata yachanchic. Maijanpish mana c'uyacca huañushca shinami causacun.

2 PEDRO 3:14

Chaimanta c'uyashca criccuna, caicunata shuyacushcamantaca, Taita Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

2 TESALONICENSES 3:13

Shina cacpipish c'uyashca criccuna, cancunaca imapish allita ruhuanataca mana shaicushpa ruhuacuichiclla.

ROMANOS 15:13

Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

1 TESALONICENSES 4:10

Macedonia llactapi causac tucui criccunahuanca c'uyanacushpami, cancunaca causacunguichic. Shina cacpipish c'uyashca criccuna, ashtahuan c'uyanacushpa causachunmi mañanchic.

1 TESALONICENSES 1:5

Ñucanchic cancunaman quishpirinamanta alli huillaita huillacushpaca, mana rimaillahuanchu yachachircanchic, ashtahuanpish Diospac Espíritu yachachicpimi, imatapish ruhuaclla Diosmanta allicunata ruhuashpa ricuchircanchic. Ñucanchic cancunaman alli huillaita huillacushcaca chashnatac cashcata alli yachashpa, cancunapac allipac ruhuashcataca yachanguichicmi.

COLOSENSES 1:5

Cashcata nic alli huillaitaca ñami uyarcanguichic. Chaita uyashpami, cancunaca jahua pachapi Taita Dios huacaichishcapi shunguta churashpa shuyacunguichic. Chaita crishpami, cancunaca c'uyanacushpa causacunguichic.

FILIPENSES 3:15

Alli sinchi criccunaca chai shinallatacmi yuyana canchi. Ima shuc layata yuyacucpipish, Diosllatacmi cancuna alli yachachunca yuyaita cunga.

GÁLATAS 6:9

Chaimanta ima allita ruhuanataca mana shaicushpami ruhuana canchic. Chashna mana shaicushpa allita ruhuashpa causashpaca, japina punzha chayamucpica japishunmi.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.

1 CORINTIOS 13:13

Caicunamanta nishpaca, crinapish, imata shuyana cashcata shuyanapish, shinallatac c'uyaita charinapish tiyashpa c'atingallami. Ashtahuanpish cai quimsacunamanta yallica c'uyaimi.

SAN MATEO 24:13

Chashna cacpipish tucuringacaman chai llaquicunata apactaca, Taita Diosca quishpichingami.

1 JUAN 3:19

Chashnami cashcata ruhuacpac cashcata yachashpa, Taita Diospac ñaupapi alli cashcatapish yachashun.

COLOSENSES 2:2

Paicuna tucui shunguhuan crishpa, c'uyanacushpa, sinchiyashpa c'atichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

ROMANOS 12:8

Shuccunata cunac canata cushca cacpica, alli cunacmi cana can. Shuccunaman imatapish cuc canata cushca cacpica, tucui shunguhuan cucmi cana can. Mandac canata cushca cacpica, alli mandacmi cana can. Imapipish ayudac canata cushca cacpica, cushicushpami ayudana can.

GÁLATAS 5:5

Shina cacpipish ñucanchic crishcallamanta, shinallatac Diospac Espíritu imatapish ruhuaclla cashcamantaca, Taita Dioshuan alli tucuna yuyaillami canchic.

SAN LUCAS 1:1

Cai ñucanchic llactapi imalla tucushcacunataca, ñucanchicpuramanta achca uyaccunami callarimanta quillcasha nicurcacuna.