HEBREOS 5:10 - Nuevo Testamento en Quichua Cañar 1996

¹⁰ Melquisedecta shinami, Taita Diosca curacunata jatun mandac cura cachun paitaca churashca.

Dios Rimashcata Quillcashcami

¹⁰ Diosca Melquisedecta shinami, jatun mandac curata ruhuarca.

HEBREOS 5:10 Referans Kwoze

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinallatacmi, huiñaipac curacunata jatun mandac cura tucurca.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

HEBREOS 5:11

Caicuna jahuaca achcatami rimana canchic. Shina cacpipish cancuna imapish mana utca entendiclla cashcamantami, cancunaman huillanaca sinchi can.