HEBREOS 4:2 - Nuevo Testamento en Quichua Cañar 1996

² Paicuna shinallatacmi ñucanchicpish alli huillaitaca chasquircanchic. Shina cashpapish paicunaca alli huillaita cazushpa, criccunahuan mana tandanacurcachu. Chaimantami paicuna alli huillaita chasquishcaca, paicunamanca yangalla carca.

Dios Rimashcata Quillcashcami

² Ñucanchicmanpish paicunaman shinallatacmi alli huillaita huillarca. Shina cashpapish, paicunaca mana crircachu, criccunhuan mana tandanacurcachu. Chaimantami paicuna uyashcaca yangalla carca.

HEBREOS 4:2 Referans Kwoze

1 TESALONICENSES 2:13

Ñucanchic huillacpi, mana gentecunalla huillashcata yuyashpa, ashtahuanpish quishpirinamanta huillashcaca Diosmanta cashcata yachashpa chasquishcamantami, punzhanta Diostaca pagui nicunchiclla. Chaica Dios rimashca shimi cashpatacmari, cancunata shuctacyachicpi, sumacta causacunguichic.

HEBREOS 11:6

Taita Diosman cuchuyangapacca, pai tiyashcatapish, paiman mañaccunaman pai imallata cuna cashcatapish crinami can. Mana crishpaca, Taita Diospac munaitaca ima shina mana ruhuaipacmi.

HEBREOS 3:12

C'uyashca criccuna, cancunapuramanta shucllapish millai yuyaihuan mana crisha nishpa, pacta causac Diosmanta caruyanguichicman.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Taita Dioshuan alli canami tucuimanta yalli allica. Cai causaipacpish, q'uipa causaipacpish allicunatami apamun.

ROMANOS 2:25

Moisés mandashcacunata maijanpish pactachicpica, circuncisionta*f** ruhuashcaca allimi. Shina cacpipish Moisés mandashcacunata mana pactachicpica, circuncisionta ruhuashcaca yangallami.

HECHOS 13:46

Chashna rimacucpipish, Pabloca Bernabendic mana manchashpami, cashna nishpa huillarcacuna: —Cancuna israelcunamanracmi, Diosmanta alli huillaita huillana carcanchic. Cai huillashcata cancuna mana uyashun nishpa, huiñai causaita mana chasquishun nircanguichicchu. Chaimanta cunanllatacmi, mana israelcunaman huillangapac rigrinchic.

SANTIAGO 1:21

Chashna cashcamanta imapish mana alli mapa causacushcamanta, shinallatac tucui mana allicunamantapish anchurichic. Cancunapac shungupi tarpushca alli huillaitaca c'uyac shunguhuan chasquichic. Chai alli huillaimi cancunataca quishpichinata pudin.

HEBREOS 4:6

Alli huillaita ñaupaman uyaccunaca, paicuna mana cazushcamantami mana yaicurcacuna. Chaimanta chai samarinaman yaicunaca tiyanracmi.

1 CORINTIOS 13:3

Shinallatac ñuca tucui ima charishcata huacchacunaman cushpapish, ñuca cuerpota rupachichun cushpapish, c'uyaita mana charishpaca, ima mana canichu.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 TESALONICENSES 1:5

Ñucanchic cancunaman quishpirinamanta alli huillaita huillacushpaca, mana rimaillahuanchu yachachircanchic, ashtahuanpish Diospac Espíritu yachachicpimi, imatapish ruhuaclla Diosmanta allicunata ruhuashpa ricuchircanchic. Ñucanchic cancunaman alli huillaita huillacushcaca chashnatac cashcata alli yachashpa, cancunapac allipac ruhuashcataca yachanguichicmi.

GÁLATAS 3:8

Taita Diosca mana israelcuna*f** cacpipish cricpica, paihuan alli tucuchun chasquishami nishcamantami, Dios quillcachishcapica Abrahamman cai alli huillaita huillashpaca: “Canmantami tucui cai pachapi causaccunaman allicunata cusha” nishca.

GÁLATAS 4:13

Callaripi alli huillaita cancunaman huillacushpaca, ungushca cashpami huillarcani. Chaitaca cancunallatac yachanguichicmi.

HECHOS 3:26

Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.

ROMANOS 3:3

Shina cacpica, paicunapuramanta maijancuna mana cazushpaca, ¿imashi tucunga? Paicuna chashna mana cazushcamantaca Diosca pai nishcataca, ¿manachu pactachinga?

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?