HEBREOS 4:14 - Nuevo Testamento en Quichua Cañar 1996

¹⁴ Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

Dios Rimashcata Quillcashcami

¹⁴ Diospac Churi Jesusca jatun mandac cura cashpami, jahua pachaman yaicurca. Chaimantami ñucanchicca crishpa, catirana canchic.

HEBREOS 4:14 Referans Kwoze

HEBREOS 9:24

Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

HEBREOS 10:23

Taita Diosca Pai pactachingapac ari nishca shinallatacmi pactachinga. Chaimantami ñucanchic crishpa shuyacushcataca, mana caita chaita yuyashpa shuyashunchiclla. Chai shuyacushcamantami shuccunaman huillacunchic.

HEBREOS 9:12

Jesucristoca ña mana chivocunapac, bizicunapac yahuarta Taita Diosman cungapacchu Diospaclla ch'icanyachishca ucuman yaicushca, ashtahuanpish paipac quiquin yahuarta Taita Diosman cushpami, ñucanchicta huiñai huiñaicaman juchapi huatashca shinamanta cacharichingapac shuc cutinlla yaicurca.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinallatacmi, huiñaipac curacunata jatun mandac cura tucurca.

EFESIOS 4:10

Shina shamushca cashpami, paillatac tucui maipipish cangapacca jahua cielomanta ashtahuan jahuaman rirca.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

HEBREOS 10:12

Tucuipac juchacunamantami Jesucristoca pai quiquinllatac curishpa, huiñaipac huañurca. Chai q'uipaca Taita Diospac alli maquimanmi tiyarirca.

HEBREOS 8:1

Cancunaman ñucanchic nicushcamanta ashtahuan yallica, curacunata jatun mandac curatami charinchic. Paica jahua pachaman rishpami, Taita Dios maipi mandacucpi alli maquiman tiyacun.

HECHOS 1:11

—Galilea llacta runacuna, ¿ima nishpatac huichailla chaparacunguichic? Cai cancunapacmanta jahua pachaman pushashca Jesusllatacmi, cutin shamunga. Ima shinami pai ricta ricurcanguichic, chashnallatacmi cutimunga— nircacuna.

HEBREOS 1:8

Ashtahuanpish paipac Churimanta nishpaca: “Canca huiñai huiñaita Mandac Diosmi cangui. Shinallatac can mandashpaca, imapish cashcata ruhuashpami mandangui.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

SAN LUCAS 24:51

Chashna mañacushpaca paicunamanta anchurishpa, Taita Dios apacpi jahua pachaman rircallami.

MARCOS 16:19

Apunchic Jesús paipac yachacuccunata chashna mandashca q'uipaca, Taita Dios paita pushacpimi, jahua pachaman rirca. Chaipimi paipac alli lado maquiman tiyarirca.

HEBREOS 2:1

Chai shina cashcamantami alli ñanta chingachic shina mana pandaringapacca, ñucanchicca alli huillaita uyashcataca ashtahuan alli crishpa, chai yuyailla cana canchic.

MARCOS 1:1

Taita Diospac Churi Jesucristomanta alli huillanaca, cashnami callarin:

SAN MATEO 4:3

Chashna yarcaihuan cacpimi, diablo Jesuspacman cuchuyashpaca: —Can Diospac Churitac cashpaca, cai rumicunata tanda tucuchun nillari— nirca.

2 CORINTIOS 9:13

Cancuna Cristomanta huillacushca alli huillaita cazushcamanta ayudacushcata yachashpami, paicunamanpish shinallatac shuccunamanpish tucui shunguhuan ayudashcamantaca, paicunaca Taita Diostaca “allimari cangui” ningacuna.

2 CORINTIOS 12:2

Cristota cric shuc runatami ricsini. Paitaca quimsa jahua pachamanmi apashca carca. Chaica ñami chunga chuscu huata tucun. Shina cashpapish cuerpondicchu apashca carca, mana cashpaca almallachari apashca carca, chaitaca mana yachanichu, Diosllami yachan.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

HEBREOS 6:6

“ña mana c'atishachu” nishpaca, Taita Dioshuan alli tucungapac cutinca ña mana tigrari pudinchu. Chaicunamanca mana yachachinachu canchic, ashtahuanpish paicunallatacmi Diospac Churitaca tucuipac ñaupapi pucllashpa, cutin chacatacuc shina ruhuancuna.

HEBREOS 7:3

Melquisedecpac taita mamamantapish, paipac aillucunamantapish mana ima yacharinchu. Shinallatac pai huacharishcamantapish, huañushcamantapish pi mana parlanchu. Chashna cashcamanta Taita Diospac Churi shinallatacmi, paica huiñai causaicaman Diospacta ruhuac cura can.

HEBREOS 10:29

Ashtahuanpish Diospac Churita saruc shinacunata, paipac jichashca yahuarta yangapi churashpa, Diospac c'uyac Espirituta c'amishpa rimaccunataca, chaita yallimi llaquichishca canga. Chai yahuarmi mushuc ari ninacuitaca pactachin. Shinallatac chai yahuarllatacmi juchata p'ichan.

1 PEDRO 3:22

Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.