HEBREOS 4:1 - Nuevo Testamento en Quichua Cañar 1996

¹ Chashna cashcamanta chai samarinapi Dios ñucanchicta yaicuchisha nicucpirac, allita yuyarichic. Cancunapuramanta shucllapish pacta yaicunata mana charic shina saquiringuichicman.

Dios Rimashcata Quillcashcami

¹ Chaimanta samarinapi Dios yaicuchisha nicucpirac huacaichiringuichic. Pacta cancunapuramanta maijan mana yaicui pudishpa saquiringuichicman.

HEBREOS 4:1 Referans Kwoze

HEBREOS 12:15

Maijanpish jayac sapi yura shina gentecunata muspachishpa llaquichic ama cangapacca, c'uyac Diosmanta ama caruyachunmi munanchic.

HEBREOS 4:11

Chai ñaupa mana cazuccuna shina shucllapish ama chashna tucungapacca, mana saquirishpami chai samarinaman yaicungapac ñucanchicca c'atirana canchic.

HEBREOS 4:9

Shina cashcamantami Taita Diospac huahuacunamanca shuc samarina tiyan.

HEBREOS 13:7

Diosmanta alli huillaita maijan cancunaman huillashpa pushashcataca yuyarichicyari. Paicuna causashcata yuyarishpa, paicuna ima shina crishcata ricushpa c'atichic.

2 TIMOTEO 2:13

Ñucanchic pai ima nishcacunata mana pactachicpipish, paica imatapish pactachishpa c'atinmi. Paica pai ima shina cashcataca mana yanga ninllachu” nishcami.

1 CORINTIOS 10:12

Shina cashcamanta “allimi cani” niccunaca ama urmangapacca, alli huacaichirichun.

ROMANOS 11:20

Chaica chashnami can. Shina cashpapish chai israelcunaca mana crishcamantami, p'itishca shina tucurcacuna. Ashtahuanpish canca crishcallamantami chai yurapi churashca cangui. Chaimanta ama canllatac “allimi cani” nirichu, ashtahuanpish Taita Diosta manchai.

ROMANOS 3:23

Taita Dios quishpichisha nicucpipish, tucui mashna juchayuc cashcamantami paimanta caruyashpa causacushcanchic.

HEBREOS 12:25

Chaimanta Dios cancunata rimacta mana uyashun ninamantaca cuidaringuichic. Cai pachapi Dios ima nishcata mana cazuccunaca, tucuimi llaqui tucurca. Ñucanchiccarin jahua pachamanta rimacucta mana cazushpaca, ¿ima shinatac llaquimantaca anchurishunyari?

HEBREOS 3:11

Chaimantami ñuca p'iñarishpaca: ‘Ñucahuan samaringapacca manatac yaicungacunachu’ nircani” ninmi.

SAN MATEO 24:48

Ashtahuanpish mana alli cazuc servicca: ‘Ñuca amoca mana utca shamungachu’ yuyashpami,

HECHOS 3:19

Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

GÁLATAS 5:4

Maijan cancunapurapi Moisés mandashcacunata pactachishpalla Taita Dioshuan alli tucushun nishpaca, Cristomanta caruyashpami Dios mai c'uyashcamantapish ch'icanyarishcacuna.