HEBREOS 3:6 - Nuevo Testamento en Quichua Cañar 1996

⁶ Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

Dios Rimashcata Quillcashcami

⁶ Ashtahuanpish Jesucristoca Diospac churi cashpami, Diospac huasita mandacun. Tucuri punzhacaman tucui shunguhuan cushicushpa shuyashpaca, ñucanchicmi chai huasica canchic.

HEBREOS 3:6 Referans Kwoze

2 CORINTIOS 6:16

Dios causana huasihuan ruhuashcalla dioscunata adorana huasihuanca, ¡maitatac shuc shinalla tucungayari! Ñucanchicmari causac Dios causana huasica canchic. Diosllatacmi: “Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Shinallatac paicunaca ñuca acllashcacunami canga” nishca.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 PEDRO 2:5

Chashna chayaricpimi, Taita Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

HEBREOS 10:35

Cancuna chai yuyailla shuyacushcataca, amatac chingachinguichicchu. Chai yuyailla shuyashpami, sumac japinata japinguichic.

HEBREOS 6:11

Cancuna shuyacushcata Taita Dios tucui pactachingacaman, chashna alli c'aticushcata ricuchichunmi munanchic.

1 CORINTIOS 6:19

Cancunapac cuerpoca Dios cushca Espíritu causana huasi cashcatapish, Diospac Espíritu cancunapac shungupi causacushcatapish, ¿manachu yachanguichic? Cancunaca mana quiquinpacllachu canguichic,

HEBREOS 10:23

Taita Diosca Pai pactachingapac ari nishca shinallatacmi pactachinga. Chaimantami ñucanchic crishpa shuyacushcataca, mana caita chaita yuyashpa shuyashunchiclla. Chai shuyacushcamantami shuccunaman huillacunchic.

HEBREOS 4:11

Chai ñaupa mana cazuccuna shina shucllapish ama chashna tucungapacca, mana saquirishpami chai samarinaman yaicungapac ñucanchicca c'atirana canchic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

APOCALIPSIS 3:11

Cancunaman ñuca cusha nishcata ama pi quichuchun, ñucata c'atiranguichic. Ñucaca ñallami shamusha.

HEBREOS 4:14

Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

HEBREOS 1:2

Shina cacpipish cunan tucuri punzhacunapica, paipac Churitami ñucanchicmanca huillachirca. Taita Diosca Paillahuantacmi, cai pachatapish ruhuarca. Shinallatac tucui ima tiyashcatapish, Paillamantacmi cushca.

1 TIMOTEO 3:15

Ñuca unaiyacpipish, canca Taita Diospaclla tandanacushca criccuna ima shina causana cashcata yachachunmi caitaca quillcani. Huiñaita causacuc Taita Diosta criccunaca alli huillai chashnatac cashcata crishpami, pilar charicuc shina sinchita c'aticunchic.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

1 TESALONICENSES 5:16

Punzhanta cushilla caichic.

ROMANOS 15:13

Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

SAN MATEO 24:13

Chashna cacpipish tucuringacaman chai llaquicunata apactaca, Taita Diosca quishpichingami.

APOCALIPSIS 2:25

Shina cancuna crishpa c'aticushcataca, ñuca shamungacaman ama saquinguichicchu.

APOCALIPSIS 2:18

Shinallatac Tiatira pueblopi cac tandanacushca criccunata ricuc angelmanpish cashna nishpa quillcai: Ñahui murucunapish nina jagan nicuc shina, shinallatac chaquicunapish bronceta shinata charic Diospac Churimi cashna nini:

2 TESALONICENSES 2:16

Ñucanchicta c'uyac Taita Diosllatac, shinallatac pai c'uyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

ROMANOS 5:2

Ñucanchic Apunchic Jesucristota crishcallamantami, Taita Diosman cuchuyashpa, pai mai c'uyac cashcataca yachanchic. Shina yachashpami sinchiyashpa, Diospac sumaimana cashcata japina yuyailla cashcamanta cushicunchic.

1 PEDRO 1:8

Cancunaca Apunchic Jesucristota mana ricushca cashpapish c'uyanguichicmi. Cunan mana ricushpapish paita crishpami, sumaimana cushicuita charinguichic. Chaimanta pagui ningapacca ima rimaillapish mana tiyanchu.

GÁLATAS 6:9

Chaimanta ima allita ruhuanataca mana shaicushpami ruhuana canchic. Chashna mana shaicushpa allita ruhuashpa causashpaca, japina punzha chayamucpica japishunmi.

ROMANOS 11:22

Taita Diosca llaquic cashcata, shinallatac imamanta llaquichina cacpica llaquichiclla cashcata yachanami cangui. Taita Diosca mana cazuccunata llaquichicushpapish, cantaca mana llaquichishcami. Shina cacpica, Diospac c'uyaita mana cungarishpami causana cangui. Mana shina cacpica, cantapish anchuchingami.

SAN MATEO 16:18

Ñucapish cantaca Pedromi*f** cangui ninimi. Cai rumi jahuapi huasichic shinami, tandanacushca criccunataca mirachisha. Chashna miraricpica, huañuipish mana ati pudingachu.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

EFESIOS 3:12

Chashna cacpimi: “Cristota crishpa paihuan shuc shinalla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

HEBREOS 4:16

Chaimanta c'uyac Dios ñucanchicta llaquichun, shinallatac ima llaquihuan cacpipish paipac jatun c'uyaimanta ayudachun, paipacman tucui shunguhuan cuchuyashpa mañashunchic.

HEBREOS 6:18

Taita Diosca paipac shimihuan cushami nishcamanta, shinallatac Dios manatac llullac cashcamantaca, pai cushami nishcata tucui shunguhuan shuyashpa, pai huacaichichun munaccunaca cushicuitami japishcanchic.

HEBREOS 7:19

Moisés mandashcacunata pactachishpaca, mana pi allitacca tucurcachu. Chaipac randimi Taita Diospacman chayaringapacca, shuc sumac shuyana cashcata shuyacunchic.

HEBREOS 10:19

C'uyashca criccuna, cunanca Apunchic Jesucristopac yahuarmantaca Diospaclla ch'icanyachishca ucumanca yaicunallami canchic.

HEBREOS 10:21

Taita Diospaclla huasipica, Apunchic Jesucristomi ñucanchicpac jatun mandac cura can.

HEBREOS 11:1

Crinaca “imatapish japishatacmi” nishpa, chai yuyailla shuyanami. Manarac ricushca cashpapish, “chai shinatacmi canga” nishpa, chai yuyailla canami.

1 PEDRO 4:17

Taita Dios taripana punzhaca ñami chayamucun. Chaipica paipac huahuacunataracmi Taita Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

APOCALIPSIS 2:26

Maijanpish tucuringacaman ñuca nishcata cazushpa millaita mishaccunamanca, llactacunata mandanatami cusha.