HEBREOS 13:17 - Nuevo Testamento en Quichua Cañar 1996

¹⁷ Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

Dios Rimashcata Quillcashcami

¹⁷ Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

HEBREOS 13:17 Referans Kwoze

1 TIMOTEO 5:17

Tandanacushca criccunata allita pushaccunaca, tucuimanta yallitami japina can. Ashtahuancarin alli huillaita huillashpapish, yachachishpapish puriccunami yallita japina can.

HEBREOS 13:7

Diosmanta alli huillaita maijan cancunaman huillashpa pushashcataca yuyarichicyari. Paicuna causashcata yuyarishpa, paicuna ima shina crishcata ricushpa c'atichic.

1 PEDRO 5:5

Chai shinallatac q'uipa huiñaicunapish, pushaccuna ima nishcata cazuichic. Tucuimi mana jatun tucushpa, caishuc chaishuchuan cazunacuna canguichic. Pai quillcachishcapica Taita Diosca: “Jatun tucushcacunataca p'iñanimi. Cutin mana jatun tucushcacunataca c'uyanimi” ninmi.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

1 CORINTIOS 16:16

Shina cashcamantami paicuna shina imatapish ruhuaccunata, shinallatac tucui allita ruhuashpa ayudaccunatapish cazuchun munani.

FILIPENSES 2:12

Chaimanta ñuca c'uyashca criccuna, ima shinami ñuca cancunahuan cacpi alli cazuc carcanguichic, cunan ñuca mana cancunahuan cacpicarin, ashtahuan alli cazuccuna caichic. Cancuna ña quishpirishca cashcamantaca manchaihuan, chucchuihuan Taita Diospac ñaupapi allita ruhuana yuyailla caichic.

FILIPENSES 2:29

Paica Apunchic Jesusta cric cashcamantaca, quiquin huauqui shinami. Chaimanta paitaca tucui shunguhuan cushicushpa alli chasquinguichic. Shinallatac maijanpish pai shina caccunataca, allimi ninguichic.

ROMANOS 14:12

Shina cashcamantaca ñucanchic quiquinllatacmi imata ruhuashcacunataca Taita Diosman ricuchigrina canchic.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingachunmi “caica mana allichu” nishpa, paihuanca mana tandanacuna canguichic.

HEBREOS 13:24

Tucui cancunata pushaccunatapish, shinallatac Diospaclla cac tucui criccunatapish “allilla cashca cachun” ninchicmi. Italia llactapi causac criccunapish, “allilla cashca cachun” nishpami cachancuna.

FILIPENSES 4:1

Shina cashcamanta c'uyashca criccuna, Apunchic Jesushuan shuc shinalla cashcamantaca, imapipish sinchi caichic. Cancunaca ñucata cushichiccunami canguichic. Shinallatac cancunamantami coronatapish japisha. Chaimantami c'uyashca criccuna, cancunata ricuna yuyailla cani.

FILIPENSES 3:18

Ña utcaman tauca cutin nishca shinallatacmi, cunanpish huacashpa cashna nini: Cristo chacatashca huañushcataca, achcacunami yangata shina ruhuashpa causacuncuna.

SANTIAGO 4:7

Diablota mana ricunachishpa, Taita Diosllata cazuichic. Shina ruhuacpica, diabloca cancunamanta caruyangallami.

FILIPENSES 1:4

Cancunaca callari punzhamanta pachami, quishpirinamanta alli huillaita ñuca huillacucpica, cunancaman ñucahuan pacta allita ruhuacushcanguichic. Chaimantami Taita Diosman ñuca mañacushpaca, tucui cancunamanta cushicuihuan mañani.

SAN LUCAS 16:2

Chashna yachac chayashpami, amoca chai mayordomota c'ayashpaca: ‘Cantaca, ¿imatachari ruhuacun nictami uyani? Cunanca ñuca charishcacunata imallapi tucuchishcata ricuchi. Ña mana ashtahuan ñuca mayordomo cachun ninichu’ nirca.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapica munai cushicusha.

EFESIOS 5:21

Apunchic Jesucristota cazushcamanta caishuc chaishuc cazunacuichic.