HEBREOS 13:16 - Nuevo Testamento en Quichua Cañar 1996

¹⁶ Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

Dios Rimashcata Quillcashcami

¹⁶ Caishuc chaishuc ayudanacushpa, allita ruhuanataca amatac saquinguichicchu. Chaimi animalta Diosman cushpa rupachic shina can. Chaitami Diosca cushilla chasquin.

HEBREOS 13:16 Referans Kwoze

2 TESALONICENSES 3:13

Shina cacpipish c'uyashca criccuna, cancunaca imapish allita ruhuanataca mana shaicushpa ruhuacuichiclla.

ROMANOS 12:13

Criccunapurapi ima illacpica, quiquinpac ima illashcata shina yuyashpa cunguichic. Maijanpish cancunapac huasiman shamucpica, alli chasquinguichiclla.

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

HEBREOS 6:10

Cashcata ruhuac Taita Diosca cancuna imata ruhuashcatapish, paipaclla caccunatapish cunan ima shina ruhuacuc shinallatac c'uyaihuan servishpa causacuccunataca, manatac cungaringachu.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

EFESIOS 4:28

Shuhua cashpapish shuhuanata saquishpa, trabajanata callarichic. Shina quiquin maquihuan trabajashpami, imata huacchacunamanca cunata charinguichic.

1 TESALONICENSES 5:15

Shuccuna ima mana allita ruhuacpipish, paicunatapish chashnallatac ruhuanamantaca huacaichirichic. Chaipac randica punzhanta cancunapurapipish, tucui gentecunahuanpish allita ruhuanata munaichic.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

SAN LUCAS 18:22

Shina nicpi Jesusca: —Ña chashna ruhuashca cashpapish, caitami ruhuanarac cangui: Tucui ima charishcacunata c'atushpa, huacchacunaman cugri. Chashna ruhuashpaca, jahua pachapimi achcata charingui. Chashna cushpaca, ñucata c'atingapac shamuilla— nirca.

3 JUAN 1:11

C'uyashca Gayo, chashna mana alli ruhuaccunataca ama c'atinguichu, ashtahuanpish allita ruhuaccunata c'atingui. Maijanpish allita ruhuacca Diospacmi, ashtahuanpish mana allita ruhuacca Diostaca mana ricsinchu.

GÁLATAS 6:6

Dios rimashca shimita yachachiccunamanca yachacuccunaca imatapish cunami can.

FILEMÓN 1:6

Ñucanchic crishcata shuccunaman huillachun nishpa, shinallatac Dios cushca allicunata Jesucristomanta chasquishcatapish alli entendichun nishpami, canmantaca Taita Diosman mañacuni.

FILIPENSES 4:14

Shina cacpipish ñuca llaquita apacucpi cancuna llaquishpa cushpaca, allitami ruhuashcanguichic.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.