HEBREOS 13:14 - Nuevo Testamento en Quichua Cañar 1996

¹⁴ Cai pachapica huiñaita mana chingaric pueblotaca mana charinchicchu, ashtahuanpish shamuc punzhapi mana tucuric shuc pueblo tiyanatami shuyacunchic.

Dios Rimashcata Quillcashcami

¹⁴ Cai pachapica huiñaita mana chingaric pueblotaca mana charinchicchu, ashtahuanpish shamuc punzhapacmi shuc pueblota mashcacunchic.

HEBREOS 13:14 Referans Kwoze

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

HEBREOS 12:22

Ashtahuanpish cancunaca Sión*f** urcuman, causac Diospac jahua pacha Jerusalén puebloman, chaipi huaranga angelcuna tandanacushpa, Taita Diosta alli nicucmanmi chayarcanguichic.

EFESIOS 2:19

Chaimanta cancunaca ña mana shuctac llactamanta shamushca, shinallatac ña mana quiquin causai llactamanta llucshishca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

2 CORINTIOS 4:17

Cai causaipica ashacamanllami llaquita apacunchic. Chaica tucuringami. Ashtahuanpish chai llaquicunaca tucuimanta yalli huiñai causaiyuctami ruhuacun.

1 CORINTIOS 7:29

C'uyashca criccuna, ñucaca caitami nisha nini: Cai pachapica mana unai huatacunatachu causashun. Chashna cashcamanta huarmiyuc c'aricunaca, mana huarmiyuc cashca shina causachun.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

HEBREOS 4:9

Shina cashcamantami Taita Diospac huahuacunamanca shuc samarina tiyan.

HEBREOS 2:5

Taita Diosca ñucanchic parlacushca, chai shamuna cashca mushuc llacta mandanataca, mana angelcunamanchu curca.

HEBREOS 9:11

Chashna cacpipish Apunchic Jesusca ñamari shamurca. Cunanca tucui ima allicunata ricuc curacunata jatun mandac curami. Pai cura shina ruhuana, Taita Diospaclla ucuca, ñaupa ucuta yalli alli sumac ucumi. Chaica mana cai pachapi cashcamanta mana gentecuna ruhuashcachu.

HEBREOS 10:34

Cancunaca carcelpi caccunamantaca, cancuna cashca shinallatacmi llaquircanguichic. Cancuna jahua pachapi huiñai huiñaipac tucuimanta yalli allita charishcamantaca, tucui charishcata quichucpipish, cushilla carcanguichicmi.

HEBREOS 12:27

“Cutinllatac chucchuchishami” nishpaca, Dios ruhuashcacunamanta cuyuchinacunallata anchuchishpa, mana cuyurinacunaca saquirina cashcatami nisha nin.

APOCALIPSIS 3:12

Maijanpish millaita mishaccunamanca, ñuca Diosman mañana huasi ucupi cac pilar shina canatami cusha. Chaimantaca jaicapi mana llucshingacunachu, shinallatac paicunapica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Taita Diospacmanta shamuc mushuc Jerusalenmi canga. Shinallatac paicunapica ñucapac mushuc shutitapish quillcashami.