HEBREOS 12:23 - Nuevo Testamento en Quichua Cañar 1996

²³ Jahua pacha libropi quillcashca, Diospac punta huahuacuna tandanacushcaman, tucuita taripashpa ricuchic Diospacman, shinallatac cashcata ruhuaccunata Dios allita ruhuashca almacunapacmanmi chayarcanguichic.

Dios Rimashcata Quillcashcami

²³ jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.

HEBREOS 12:23 Referans Kwoze

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

HEBREOS 11:40

Paicuna alli cacpipish, Taita Diosca ñucanchicta yuyarishpami, paicunapish ñucanchichuan pacta ama juchanchishca cachun, ashtahuan allita ruhuashca.

SAN LUCAS 10:20

Supaicunata llucchishpa cachashcallamantaca ama cushicuichicchu, ashtahuanpish cancunapac shuticuna jahua pacha libropi quillcashca cashcamanta cushicuichic— nirca.

APOCALIPSIS 14:4

Paicunaca huarmihuan mana chayarishca, chuyacunami carca. Paicunaca Pactalla Oveja maita ricpipish c'aticcunami. Paicunaca gentecunapuramanta Taita Diosmanpish, Pactalla Ovejamanpish cungapac punta acllashcacuna shinami quishpirishcacuna.

APOCALIPSIS 20:15

Huiñaita causangapac quillcachina libropi mana quillcashcacunataca, rupacuc nina cuchapimi shitashca carca.

HEBREOS 9:27

Shinallatac tucui mashnami shuc cutinlla huañuna canchic. Chai q'uipami Taita Dios taripana punzhaca shamunga.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.

1 PEDRO 2:23

Paita c'amicpipish, mana chashnallatac c'amishpa cutichircachu. Llaquichicpipish, “cantapish llaquichishami” nishpaca mana nircachu. Chaipac randica cashcata ricushpa, taripac Diosllatac llaquichichunmi saquirca.

HEBREOS 11:4

Crishcamantami Abelpish Cainta atishpa, allicunata Diosman cushpa rupachirca. Chaimantami Taita Diosca Abeltaca cashcata ruhuac nishpa, paiman cushcatapish chasquirca. Abel huañushca cacpipish, pai crishcamantaca cunan punzhacaman huillacuncuna.

1 TIMOTEO 3:5

Maijanpish quiquin huasipi mana alli pushashpaca, ¿ima shinatac Taita Diospaclla tandanacushca criccunataca pushangayari?

FILIPENSES 4:3

Shinallatac can ñucahuan Taita Diospacta ruhuacuc huauquitapish: “Chai panicuna alli tucuchun rimashpa cui” ninimi. Chai panicunaca huauqui Clementendic, shinallatac caishuc huauquicunandicmi pi imata nicucpipish, mana manchashpa alli huillaitaca ñucahuan huillarcacuna. Paicunapac shuticunapish huiñaita causangapac quillcachina libropica ña quillcashcami.

EFESIOS 1:22

Chashna cashcamantami tucui ima tiyashcacunata Cristo mandachun Taita Diosca curca. Shinallatac tandanacushca criccunata mandachunpish, Cristollamantacmi Diosca curca.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

SAN JUAN 5:27

Runa Tucungapac shamushca*f** ñuca cashcamantami, ñuca Taitaca taripana cashcataca ñucaman curca.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

2 CORINTIOS 5:8

Chaimantami paillapi shunguta churashca canchic. Shina cashpapish cai cuerpomanta anchurishpami, Apunchic Jesushuan causagrinata munanchic.

1 CORINTIOS 15:54

Ñucanchic ismuclla cuerpo mana ismuclla cuerpo tucucpi, shinallatac ñucanchic huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: “Tucui millaita mishacmi huañuitaca chingachishca.

1 CORINTIOS 13:12

Cunanca espejopi amsa amsallata ricucushca shinallami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca ñucaca ima shina cashcatatacca mana yachanichu. Shina cashpapish, ima shinami Taita Dios ñucata ricsin, shinallatacmi shamuc punzhaca ricsisha.

1 CORINTIOS 15:49

Ima shinami allpamanta ruhuashca runaman riccha canchic, chai shinallatacmi jahua pachamanta shamushca Runa shinapish cashun.

HEBREOS 2:12

Dios quillcachishcapica: “Canmantami ñuca huauquicunamanca huillachisha, shinallatac sumac cantotami tandanacushcacunapac chaupipica cantasha” ninmi.

APOCALIPSIS 6:9

Pichca niqui unanchishcata Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.

APOCALIPSIS 6:11

Chashna nicpi paicunaman yuraclla churanata cushpaca: —Cancuna shinallatac Jesucristopacta ruhuaccuna cashcamanta mashnacuna huañuchina cashca pactangacaman, ashata samaricuichiclla— nictami uyarcani.