HEBREOS 11:19 - Nuevo Testamento en Quichua Cañar 1996

¹⁹ Abrahamca Taita Dios imatapish ruhuaclla cashcahuan, huañushcacunatapish causachic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

Dios Rimashcata Quillcashcami

¹⁹ Chaica Abrahamca Diosca huañushcacunatapish causachingapac poderta charic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

HEBREOS 11:19 Referans Kwoze

SAN MATEO 9:28

Jesús ña huasiman yaicucpica, ñahui mana ricuc chai ishcai runacunami paipacman shamurcacuna. Chashna shamucpimi Jesusca: —¿Cancunaca ñuca alliyachinataca cringuichicchu?— nicpi, chai runacunaca: —Ari, Apunchic Jesús, crinchicmi— nircacuna.

EFESIOS 3:20

Ima shinami Taita Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can. ¡Chaimanta paitaca “sumacmari cangui” nishunchic!

HEBREOS 9:24

Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

ROMANOS 5:14

Shina cacpipish Adanpac causai punzhamanta Moisespac causai punzhacamanca, tucui juchayuccunami huañuna carca. Shinallatacmi maijanpish juchata ruhuaccunaca Adán shina Dios mandashcataca mana cazushpa juchallishpapish, mana juchallishpapish huañuna carca. Adanca chai shamuna cashca runata ricuchicllami carca.

SAN MATEO 12:36

Cancunaman huillanimi: Taita Dios taripana punzhapimi, shuccunata llaquichishpa, mana alli rimashcacunaca yacharinga.

HEBREOS 9:9

Tucui caicunaca cunan punzhacunapi yuyaita japingapacllami. Juchacunamanta Diosman animalcunata cushpa huañuchishcapish, imata paiman cushcapish Diosta alli niccunataca mana juchanchipac, alli yuyaiyuctaca mana ruhuanchu.