HEBREOS 10:5 - Nuevo Testamento en Quichua Cañar 1996

⁵ Chashna cashcamantami Apunchic Jesusca cai pachaman shamushpaca, Taita Diostaca cashna nirca: “Animalcunata canman cushpa huañuchishcatapish, imallata canman cushcacunatapish, mana nircanguichu. Ashtahuanpish runa tucuchunmi, ñucataca allichircangui.

Dios Rimashcata Quillcashcami

⁵ Chaimantami Apunchic Jesús cai pachaman shamushpaca, Diostaca: «Animalta cushpa huañuchishcatapish, ofrendatapish mana munarcanguichu. Ashtahuanpish ñucataca shuc cuerpotami ruhuarcangui.

HEBREOS 10:5 Referans Kwoze

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

HEBREOS 1:6

Ashtahuanpish Dios quillcachishcapi Taita Dios paipac shuclla Churita cai pachaman cachasha nishpaca: “Tucui ñuca angelcuna paita alli ninguichic” ninmi.

HEBREOS 10:7

Chaimantami: ‘¡Jatun Dioslla! Ñucamanta quillcachishcapi nishca shinami, can munashcata ruhuangapac shamuni’ ” nirca.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

HEBREOS 10:10

Ñucanchic Taita Diospaclla cachunca, Jesucristomi Dios munashca shina pai quiquinllatac curishpa, shuc cutinlla huiñaipac huañurca.

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota p'iñaccunami.

HEBREOS 8:3

Tucui curacunata jatun mandac curacunami, Diosman imallata cushcacunata chasquishpa cungapac, animalcunata huañuchishpa Diosman cungapacpish acllashca can. Shina cashcamantami Apunchic Jesucristopish Diosmanca imallatapish cuna can.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN LUCAS 1:35

Chashna nicpi, angelca cashnami nirca: —Jahua pachapi causac, imatapish ruhuaclla Diospac Espiritumi, cantaca p'uyu shina llandunga. Chaimanta can charishca huahuaca, ima jucha illacmi canga. Diospac Churi nishcapishmi canga.

SAN MATEO 11:3

Chashna cachacpi paicuna chayashpaca: —¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?— nishpa tapurcacuna.

SAN LUCAS 7:19

Chaimantami Juanca paipac yachacuccunamanta ishcaita c'ayarca. Paicunataca: “ ‘¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?’ tapugrichic” nishpami, Jesuspacman cacharca.

HEBREOS 5:7

Apunchic Jesucristoca cai pachapi causacushparacmi, huañuimantapish quishpichic Taita Diosmanca caparishpa, huacashpa mañarca. Jesusca Pai mandashcata ruhuac cashcamantami, Taita Diosca uyarca.

HEBREOS 10:8

Quillcachishcapi Cristo rimashpaca, Moisés mandashcacunapi nishca cashca jahuapish: “Animalcunata Diosman cushpa huañuchishcapish, imallata Diosman cushcacunapish, juchacunata anchuchingapac animalcunata cushpa rupachishcapish ima mana canchu, paitaca mana cushichinchu” ninmi.