HEBREOS 10:26 - Nuevo Testamento en Quichua Cañar 1996

²⁶ Cashcata nic huillashcata yachashca jahua quiquin munaimanta juchata ruhuashpa c'aticucpica, chai juchamanta huañushpa quishpichicca mana tiyanchu.

Dios Rimashcata Quillcashcami

²⁶ Cashcata nic huillashcata yachashca jahua juchata ruhuashpaca, quishpiringapacca imata mana cui pudinchicchu.

HEBREOS 10:26 Referans Kwoze

SAN JUAN 9:41

Shina nicpi Jesusca: —Cancuna ñahui mana ricuccuna cashpaca, manachari juchayuccuna canguichicman. Ashtahuanpish ‘ñahuihuan ricushpami causacunchic’ nishcamantacarin, juchayuccunami canguichic— nirca.

SAN LUCAS 12:47

Shinallatac maijan servicpish amo mandashcata uyashca jahua imata mana cazushpa mana ruhuashcamantaca, yallitami macashpa, llaquichishca canga.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

1 JUAN 5:16

Maijanpish shuc cric mana huañuiman apacuc juchata ruhuacta ricushpaca, paimanta Taita Diosman mañanami can. Chashna mañacpica, Diosca chai cricman causaita cungami. Mana huañuiman apacuc juchata ruhuaccunamantami chashnaca mañana can. Huañuiman apacuc juchacunapish tiyanmi. Chaita ruhuaccunamantaca mana mañachun ninichu.

2 TESALONICENSES 2:10

Jatun llaquiman ricuccunataca tucui laya mana allita ruhuashpami, umashpa crichinga. Paicuna quishpiringapac cashcata nic huillashcata p'iñashpa, mana chasquishcamantami chashnaca tucunga.

SAN JUAN 13:17

Cancuna cai ñuca nishcacunata chashnatac cashcata yachashpa pactachishpaca, mai cushicuimi canguichic.

1 TIMOTEO 1:13

Ñaupaca criccunata llaquichishpa, Jesusta p'iñashpa c'amicmi carcani. Shina cacpipish manarac cric cashpa, imata ruhuacushcata mana yachashcamantami, Taita Diosca ñucata llaquirca.

1 TIMOTEO 2:4

Paica quishpirinamanta alli huillaica chashnatac cashcata yachac chayashpa, tucui gentecuna quishpirichunmi munan.