HEBREOS 10:24 - Nuevo Testamento en Quichua Cañar 1996

²⁴ Caishuc chaishuc c'uyaihuan ayudanacushpa, ashtahuan allita ruhuana yuyailla cashunchic.

Dios Rimashcata Quillcashcami

²⁴ Caishuc chaishuc cuyaihuan ayudanacungapac allita ruhuana yuyaita cushunchic.

HEBREOS 10:24 Referans Kwoze

1 TESALONICENSES 5:11

Chashna cashcamanta ima shinami cunan cancuna c'aticuc shinallatac, caishuc chaishuchuan alli c'atina yuyaita cunacushpa, ayudanacushpa causaichic.

1 JUAN 3:18

Ñuca c'uyashca huahuacuna, ama shimillahuan “c'uyanimi” nishunchic, ashtahuanpish imatapish ruhuashpatac c'uyashcata ricuchishunchic.

HEBREOS 13:1

Criccunaca shuc shinalla caishuc chaishuchuan c'uyanacunataca, amatac saquinguichicchu.

GÁLATAS 5:13

C'uyashca criccuna, cancunataca Taita Dios ama huatashca shina causachunmi c'ayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuchuan c'uyanacushpa, ayudanacushpa causaichic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

HEBREOS 13:3

Cancunapish carcelpi cashca shinallatac, carcelpi caccunataca yuyarichic. Shinallatac llaquihuan caccunata, cancunapish llaquihuan cashca shinallatac yuyaichic.

GÁLATAS 6:1

C'uyashca criccuna, cancunapuramanta maijan juchapi urmashcata ricushpaca, pai allichirichun Diospac Espíritu yuyaita cushca causaccunaca ayudanami canguichic. Chashna ayudashpaca, c'uyac shunguhuan sumacta ayudangui. Pacta canpish chai shina tucunguiman.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac paicuna quishpirichun ruhuacuni.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

2 CORINTIOS 8:8

Caitaca mana shuc mandashca shinatachu nicuni, ashtahuanpish shuccuna cushicushpa cushcata ricushpa, cancunapish cushpa, tucui shunguhuan c'uyashcata ricuchichunmi nicuni.

HECHOS 11:29

Chashna huillacpimi, Antioquía pueblopi causac criccunaca paicuna imallata cui pudishcataca, Judea llactapi causac criccunaman cuchun cachanata yuyarircacuna.

2 TESALONICENSES 3:9

Ñucanchicca cancunaman imata mañashpapish, mañanallami carcanchic. Shina cacpipish ñucanchic ruhuashca shinallatac cancunapish ruhuachun nishpami, ñucanchic micungapacca imatapish trabajarcanchic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

2 CORINTIOS 9:2

Cancuna cushicushpa, tucui shunguhuan cuna cashcata yachashpami, chashnaca nini. Yalli huatamanta pachami, cancuna Acaya llacta criccuna tucui shunguhuan ayudanata munashcataca, Macedonia llacta criccunamanca cushicushpa huillacunilla. Cancuna chashna c'uyaihuan ayudac cashcata yachashpaca, Macedoniapi causac achca criccunapish cushicushpami, ayudanata munancuna.

ROMANOS 12:15

Cushilla caccunahuanca cushicuichic. Llaquilla caccunahuanca llaquilla caichic.

TITO 2:4

Ñaupa huiñai huarmicunaca chashna causashpami, q'uipa huiñai huarmicunataca cusata c'uyanatapish, huahuacunata c'uyanatapish yachachina can.

1 CORINTIOS 9:22

Manarac sinchi criccunahuan cashpaca, paicuna quishpirichunmi paicuna shina tucuni. Chashna tucui laya tucushpaca, maijancunallapish quishpirichunmi imapish tucuni.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

ROMANOS 11:4

Chashna mañacpi Taita Diosca: “Canchis huaranga gentecunatami ñucapaclla cachun acllarcani. Paicunaca mana ruhuashcalla Baal diospac ñaupapi cunguriccunami” nircami.

HEBREOS 3:13

Chaipac randica Dios quillcachishcapi nishca shina, cunan causacushparac punzhanta caishuc chaishuc yuyachinacushpa, cancunapac shungu rumiyashca shina tucuchunpish, juchapi pandarichunpish ama saquinguichicchu.