HEBREOS 10:20 - Nuevo Testamento en Quichua Cañar 1996

²⁰ Causaita cungapacca, mushuc ñanta cuc shinami Jesucristollatac Diospaclla ch'icanyachishca ucuman yaicuna jarcashcataca anchuchirca. Quiquinlla huañushpami, chashna pactachirca.

Dios Rimashcata Quillcashcami

²⁰ Jesucristo huañushpami, Diospaclla chicanyachishca ucuman yaicuna jarcashca pañota anchuchirca. Chashnami causaita cuc mushuc ñanta pascarca.

HEBREOS 10:20 Referans Kwoze

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 10:9

Ñucami yaicuna punguca cani. Maijanpish ñucamanta yaicucca quishpiringami. Paica oveja llucshin yaicun micunata taric shinami canga.

HEBREOS 9:3

Chaipac q'uipa jarcachishca ucuca, Diospaclla ch'icanyachishca ucumi carca.

HEBREOS 9:8

Chashna cacpica Diospac Espiritumi, carpa huasi yaicushcalla ucu tiyashpa c'aticpica, Diospaclla ch'icanyachishca ucuman yaicuna manarac tiyashcata ricuchicurca.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic almataca alli sinchita chariracun. Shinallatac cai shuyacushcami, jahua pacha Diosman mañana huasipi tiyac, lienso pañu jarcashca Diospaclla ucuman ñucanchictaca yaicuchin.

SAN JUAN 10:7

Jesusca cutinllatacmi cashna nirca: —Ñucami ovejacuna yaicuna punguca cani. Chaica chashnatacmi can.

1 JUAN 4:2

Diospac Espirituhuan cashcataca cai shinami yachac chayanguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.

1 PEDRO 3:18

Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

SAN LUCAS 23:45

Intipish mana achicyachircachu. Diosman mañana huasi ucupi cac jarcachishca jatun liensopish, jahuamanta uraiman chaupitami lliquirirca.

MARCOS 15:38

Jesús huañucpica, Diosman mañana huasi ucupi jarcachishca jatun liensoca jahuamanta uraimanmi chaupita lliquirirca.

SAN MATEO 27:51

Chai pachami Diosman mañana huasi ucupi jarcachishca liensoca, jahuamanta uraiman chaupita lliquirirca. Shinallatac allpa chucchucpi, jatun rumicunapish chictarircami.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota p'iñaccunami.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami israelmantapish, mana israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.