HEBREOS 1:2 - Nuevo Testamento en Quichua Cañar 1996

² Shina cacpipish cunan tucuri punzhacunapica, paipac Churitami ñucanchicmanca huillachirca. Taita Diosca Paillahuantacmi, cai pachatapish ruhuarca. Shinallatac tucui ima tiyashcatapish, Paillamantacmi cushca.

Dios Rimashcata Quillcashcami

² Shina cacpipish, cunan tucuri punzhacunapica, paipac Churitami huillachishca. Diosca Paillahuantacmi cai pachataca ruhuarca. Paillamantacmi tucui ima tiyashcataca cushca.

HEBREOS 1:2 Referans Kwoze

1 CORINTIOS 8:6

ñucanchicmanca shuclla Taita Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

SAN JUAN 1:3

Paillahuantacmi Taita Diosca tucuita ruhuarca. Mana paihuanca imatapish mana ruhuarcachu.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.

SAN MATEO 28:18

Jesús paicunapacman cuchuyashpaca: —Taita Diosca ñucataca, cai pachapi jahua pachapi tucui imatapish Mandactami ruhuarca.

SAN JUAN 13:3

Jesusca Taita Dios cachashca shamushcatapish, paipacman cutina cashcatapish, shinallatac pi mana ruhuaipaccunata Taita Dios ruhuachun cushcatapish yacharcami.

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

HEBREOS 11:3

Taita Diosca cai pachatapish, jahua pachatapish pai rimashcallahuanmi ruhuarca. Chaitaca crishcamantami yachanchic. Cunan ricushcata imapish mana ricuricmantami ruhuashca.

ROMANOS 8:17

Ña paipac huahuacuna cashcamantaca, pai cusha nishca japina cashcatapish Cristohuan japishunmi. Chai japinataca Apunchic Jesucristo llaquita apashca shinallatac llaquita apashpami, sumaimana cushicuipi paihuan japishun.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN MATEO 26:63

Chashna nicpipish, Jesusca imata mana nircachu. Chaimantami jatun mandac curaca: —Causac Diospac shutipimi huillachun nini. ¿Canchu Diospac Churi Quishpichic Cristoca cangui?— nirca.

SAN MATEO 21:38

Ashtahuanpish allpayucpac churi shamucucta chai chagrahuan saquiric runacuna ricushpacarin: ‘Paimi taita charishcataca japinga. Paipac randi ñucanchic japingapacca, huañuchishunchic’ ninacurcacuna.

HEBREOS 5:8

Apunchic Jesucristoca Diospac Churi cashpapish, llaquita apashpami pactachina cashcata yachacurca.

EFESIOS 1:10

Taita Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

HEBREOS 7:3

Melquisedecpac taita mamamantapish, paipac aillucunamantapish mana ima yacharinchu. Shinallatac pai huacharishcamantapish, huañushcamantapish pi mana parlanchu. Chashna cashcamanta Taita Diospac Churi shinallatacmi, paica huiñai causaicaman Diospacta ruhuac cura can.

HEBREOS 2:3

Shina cacpica cai sumac quishpirinamanta huillashcata yangapi churashpaca, ¿ima shinatac jatun llaquimanta quishpirishunyari? Cai quishpirinataca Apunchic Jesusmi punta huillarca. Chaimantami pai huillashcata uyaccunaca chashnatac cashcata yachashpa, ñucanchicman huillarca.

HEBREOS 1:5

Taita Diosca maijan angelcunatapish: “Canca ñuca Churimi cangui, cunanca ñuca Huahuatacmi cangui” nishpaca, jaicapi mana nishcachu. Shinallatac maijan angelmantapish: “Ñucaca paipac Taitami cani, paica ñuca Churimi can” nishpaca, jaicapi mana nishcachu.

EFESIOS 3:9

Tucuita ruhuac Taita Diosca pai imata ruhuasha nicushcataca, ñaupamanta pachami pacashpa charicushca. Chaita huillachunmi ñucamanca mingarca.

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

HECHOS 10:36

Taita Diosca paihuan alli tucushpa sumacta causachunmi, israelcunamanca*f** tucuita Mandac Jesucristotaca quishpirinamanta huillachun cacharca.

SAN JUAN 15:15

Amopacta ruhuacca amo imata ruhuacushcata mana yachanchu. Chaimantami serviccunalla nishpaca, mana cancunataca c'ayani. Ñuca Taita tucui ima nishcacunata ñuca cancunaman huillashcamantami, ñucahuan apanacuccuna nishpa cancunataca c'ayani.

SAN JUDAS 1:18

Paicunaca: “Tucuri punzhacunapica, paicuna munashca shina mana alli munaillahuan causashpa, asishpa burlaric gentecunami tiyanga” nircacunami.

ROMANOS 1:4

Shina cacpipish pai huañushcacunapuramanta causaricpimi, Diospac Espirituca Diospac Churi imatapish ruhuaclla cashcata ricuchirca.

HECHOS 2:17

Taita Diosca: ‘Tucuri punzhacunapica ñuca Espiritutaca tucuimanmi cachasha. Ña chashna cachacpica, cancunapac churicunapish, ushicunapish ñucamanta huillangacunami. Cancunapac q'uipa huiñaicunapish, muscuipi shina ricungacunami. Ña yuyaccunapish muscungacunami.

SAN JUAN 17:2

Canca huiñai causaita ñucaman cushcacunaman cuchunmi, tucui gentecunataca ñuca maquipi churashcangui.

SAN JUAN 16:15

Ñuca Taita tucui imalla charishcacunaca ñucapacmi. Chaimantami ‘Diospac Espirituca ñucamanta chasquishpa, cancunamanca yachachinga’ nircani.

MARCOS 12:6

Ña tucuita cachashca q'uipaca, chai allpayuc runapacca paipac shuclla c'uyashca churimi tiyarcarac. ‘Ñuca churitaca manchashpa, manapishchari imata ningacuna’ nishpami, paitapish cacharca.

MARCOS 1:1

Taita Diospac Churi Jesucristomanta alli huillanaca, cashnami callarin:

2 PEDRO 3:3

Tucuimanta yallica caita yuyarichic: Tucuri punzhacunapica quiquin munashca mapacunata ruhuaccunami tiyanga. Paicunaca cancunata burlashpami:

HEBREOS 1:8

Ashtahuanpish paipac Churimanta nishpaca: “Canca huiñai huiñaita Mandac Diosmi cangui. Shinallatac can mandashpaca, imapish cashcata ruhuashpami mandangui.

HEBREOS 9:26

Chashna ruhuana cashca cacpica, Apunchic Jesusca Dios cai pachata ruhuashca punzhamanta pachaca, tauca cutinmi huañuna canman carca. Ashtahuanpish Apunchic Jesusca cunan punzhacunapica, huiñaipac shuc cutinlla ricurishpa, tucui gentecunapac juchacunata anchuchingapacmi, pai quiquinllatac Diosman curishpa huañurca.

SAN JUAN 3:25

Chaipimi Juanta c'aticcunapuramanta maijancunaca, Israelmanta*f** shuc runahuan Diospac ñaupapi alli ricuringapac armarina*f** jahua rimanacurcacuna.

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

SAN MATEO 13:39

Shinallatac chagrayucta p'iñashpa, trigo chagrapi mana alli q'uihuata jichac shinaca, diablomi. Trigota p'itishpa tandachina nishpaca, cai pacha tucurinatami nisha nin. Trigota p'itishpa tandachiccunaca, angelcunami.

MARCOS 12:7

Paipac churi shamucta chai runacuna ricushpacarin: ‘Paimi taita charishcacunataca tucui japinga. Chaimanta pai japinata ñucanchic japingapac huañuchishunchic’ nircacuna.

SAN JUAN 1:10

Chai Rimashca Shimimi cai pachapi carca. Taita Diosca chai Rimashca Shimihuanmi cai pachataca ruhuarca. Chashna cacpipish, cai pachapi causaccunaca paitaca mana ricsircacunachu.

SAN JUAN 5:26

Ima shinami ñuca Taitaca causaita cun, shinallatacmi ñucamanpish causaita cuchun curca.

SAN JUAN 5:27

Runa Tucungapac shamushca*f** ñuca cashcamantami, ñuca Taitaca taripana cashcataca ñucaman curca.

SAN JUAN 9:29

Moisesman Taita Dios rimashcataca yachanchicmi, ashtahuanpish chai runataca pai maimanta cashcallatapish mana yachanchicchu— nircacuna.

1 CORINTIOS 2:7

Ñucanchicca huiñaita sumac llactapi causagrichunmi, pipish mana yachashca, cai pachata Taita Dios manarac ruhuashpa, huacaichishpa charicushca yachaicunata huillacunchic.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

HEBREOS 4:14

Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

HEBREOS 7:28

Moisés mandashcaca juchayuc runacunatami curacunata jatun mandac cura cachun nin, ashtahuanpish Taita Dios paipac shimihuantac ari nishpaca, Moisés mandashcacunamanta q'uipa cashpapish, huiñaita pactachic paipac Churitami curacunata jatun mandac cura cachun nin.

SAN JUAN 13:32

Taita Diosca ñucamanta chashna sumacyachishca cashpaca, Runa Tucungapac shamushca ñucallapitacmi sumac cashcata ricuchinga. Chaitaca ñallami ruhuashpa ricuchinga.