GÁLATAS 4:3 - Nuevo Testamento en Quichua Cañar 1996

³ Chai shinami ñaupamanca ñucanchicpish huahuacuna shina cashpaca, cai pachapi imapish manchanacunallata cazushpa, huatashca shina causacurcanchic.

Dios Rimashcata Quillcashcami

³ Chai shinami ñucanchicpish huahuacuna shina cashpaca, cai pachapi imapish ruhuanacunallata cazushpa, huatashca shina causacurcanchic.

GÁLATAS 4:3 Referans Kwoze

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

COLOSENSES 2:8

Chai llullashpa yachachiccuna cancunata yanga paicuna yuyashcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

GÁLATAS 4:9

Cunanca Taita Diosta ricsiccunami canguichic, ashtahuancarin Taita Diosmi cancunata ricsin. ¿Shina cashca jahuachu cutinllatac imapish mana valic, yangalla manchanacunallata cazushpa, huatashca shina causashun ninguichic?

GÁLATAS 2:4

Ashtahuanpish mandashcacunamanta cacharirishpa, Jesucristohuan shuc shinalla tucushpa causacucta ricungapacllami, “cricmi canchic” nishpa maijancunaca pacalla yaicurcacuna. Paicunaca paicuna shina mandashcapi huatashca shina causachunmi munancuna. Chaimantami Titotaca circuncisionta ruhuachun nircacuna.

GÁLATAS 4:31

Shina cashcamanta c'uyashca criccuna, ñucanchicca servic huarmipac huahuacuna shinaca mana canchic, ashtahuanpish mana servic quiquin huarmipac huahuacuna shina canchic.

HECHOS 15:10

Chaimanta cunanca ñucanchic ñaupa taitacunapish, ñucanchicpish maita mana pactachipac cashcata, cunanlla criccunata chaita pactachichun nishpaca, Taita Diostami p'iñachicunguichic.

ROMANOS 8:15

Cancunaca mana cutinllatac manchaita cuc, huatashca shina causanaman apac espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: “Ñuca Taitalla” nishpa Taita Diosman mañanchic.

SAN JUAN 8:31

Jesusca paita cric israelcunataca:*f** —Cancunaca ñuca rimashca shimicunata cazushpa c'atishpaca, ñuca yachacuccunatacmi canguichic.

HEBREOS 7:16

Mandashcapi nishca shinaca, “cai aillumanta, chai aillumanta shamunga” nishca curaca mana carcachu, ashtahuanpish imatapish ruhuaclla mana tucuric causaimantami carca.

GÁLATAS 4:25

Chai Agar huarmica Arabia llactapi tiyac Sinaí urcutami nisha nin. Shinallatac Agar huarmica Jerusalenpi causaccunapish, tucui israelcunapish*f** cunan punzha ima shina servishpa causacushcatapish ricuchinmi.

GÁLATAS 3:19

Shina cacpica, ¿imapactac Moisés mandashcacunaca alli canga? Chai mandashcacunaca Dios ari nishca q'uipami, taita Abrahampac aillupuramanta maijanman pai cusha nishca shamungacaman, maijanpish mana allita ruhuacushcata ricuchingapac carca. Chai mandashcacunataca angelcunami Moisesman curca. Cutin gentecunamanca paimi yachachirca.

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

ROMANOS 7:14

Mandashcacunaca Diosmanta cashcatami yachanchic. Shina cashpapish, ñuca cai pachapi causacushcamantaca, juchata ruhuangapacca huatashca shinami cani.

2 CORINTIOS 11:20

Shinallatac servichiccunatapish, shuhuashpa quichuccunatapish, umaccunatapish, mana ricunachiccunatapish, p'iñashpa ñahuipi huactaccunatapish, cancunaca imata mana nishpa chasquinguichicllami.

GÁLATAS 4:2

Taita ima punzhamanta “chai charishcata ricungui” nishcacamanmi, shuccuna chai huahuataca yachachishpa mandancuna.

GÁLATAS 4:8

Cancunaca Taita Diosta ñaupaman mana ricsishcamantami, manapish dioscunata cazushpa huatashca shina carcanguichic.

GÁLATAS 4:24

Caica shuc alli yuyarinatami yuyachin: Ishcai huarmicunaca ishcai ari ninacushcatami ricuchin. Agar huarmica Sinaí urcupi cushca ari ninacushcatami ricuchin. Maijanpish chaipac caccunaca servingapacmi huacharin.

HEBREOS 5:12

Cancunaca cai tucui huatacunapica, ña yachachiccunami cana carcanguichic. Shina cashpapish cutin callarishpa, Diosmanta yachachinacunami tucushcanguichic. Cancunaca sinchi micuita micuc shina sinchiyanapac randica, huahuacuna lechellata micuc shinami huahuayashcanguichic.