GÁLATAS 1:21 - Nuevo Testamento en Quichua Cañar 1996

²¹ Chai q'uipaca Siria llactaman, Cilicia llactamanmi rircani.

Dios Rimashcata Quillcashcami

²¹ Chai quipaca Siria llactaman, Cilicia llactamanmi rircani.

GÁLATAS 1:21 Referans Kwoze

HECHOS 15:41

Paicunaca Siria llactata, Cilicia llactata rishpami, chai llactacunapi causac tandanacushca criccunamanca ashtahuan alli c'atina yuyaita cushpa rircacuna.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharcacuna.

HECHOS 6:9

Chashna ruhuashpa puricucpimi, maijan runacunaca Estebanhuan rimarinacui callarircacuna. Paicuna tandanacuna huasica: “Servic cashcamanta cacharichishca” shutitami charirca. Paicunapurapica Cirene pueblomanta, Alejandría pueblomanta, Cilicia llactamanta, Asia llactamantapish carcacunami.

HECHOS 15:23

Chashna acllashpaca, paicuna apachunmi cashna quillcarcacuna: “Jesús acllashca huillaccunapish, criccunata pushaccunapish, ñucanchicca Antioquía pueblopi, Siria llactapi, Cilicia llactapi causac mana Israel criccunatapish ‘allillachu canguichic’ ninchicmi.

HECHOS 13:1

Antioquía pueblopi causac tandanacushca criccunapurapica, Diosmanta huillaccunapish, yachachiccunapish tiyarcami. Paicunapurapica Bernabepish, Niger nishca Simonpish, Cirene pueblomanta Luciopish, Galilea llactata mandac Herodeshuan huiñac Manaenpish, Saulopish carcami.

HECHOS 23:34

Quillcata ña ricushpaca, chai mandacca: —Canca, ¿maimantatac cangui?— nishpa tapucpi, Pabloca: —Ñucaca Cilicia llactamantami cani— nirca.

HECHOS 22:3

—Ñucaca Cilicia llactapi cac Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucaca Gamaliel runa alli yachachishcami cani. Chaimanta ima shinami ñucanchic ñaupa taitacunaman mandashcacunata cancuna cunan punzhacunapi pactachicunguichic, shinallatac ñucapish Taita Diospaclla causashpa pactachicmi cani.

HECHOS 21:39

Chashna tapucpi Pabloca: —Ñucaca Cilicia llactapi cac, tucuipac alli nishca Tarso pueblomanta Israel*f** runamari cani. Chaimanta ñuca cai tucui gentecunamanca, ¿manachu ashata huillachun saquinguiman?— nirca.

HECHOS 21:3

Chai barcopi ricucpica, Chipre llactaca lluqui ladomanmi saquirirca. Siria llactapi cac Tiro pueblopi cargata saquingapac chai barco yaicucpimi, ñucanchicca chaipi uricushpa, criccunata mashcagrircanchic.

HECHOS 18:18

Pabloca Corinto pueblollapitacmi tauca punzhacunacaman saquirirca. Chai q'uipaca, tucui criccunata “shuc punzhacaman” nishpaca, Priscilandic Aquilandic Siria llactaman barcopi manarac rishpami, Cencrea pueblopi acchata p'itichirca. Diospacta ruhuasha nishcata pactachishcata ricuchingapacmi, paica chashna ruhuarca.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.