FILIPENSES 3:19 - Nuevo Testamento en Quichua Cañar 1996

¹⁹ Chashna causaccunaca tucuri punzhapimi llaquipi chingaringapac ringacuna. Paicuna munashca shina micunallatacmi, Diostapish yalli munancuna. Paicunaca pingaipacta ruhuashpapish, mana pingancunachu. Ashtahuanpish chaillahuantacmi “allimi canchic” nirincuna. Paicunaca cai pacha causaipacllami ashtahuan munancuna.

Dios Rimashcata Quillcashcami

¹⁹ Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

FILIPENSES 3:19 Referans Kwoze

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

2 PEDRO 2:3

Paicunaca cullquita japingaraicullami, cancunamanca paicunapac yuyaillamanta yachachishpa chayucyangacuna. Paicunataca ña utcamanta pachami, “llaquimanmi ringuichic” nishpa Diosca shuyacun. Chai llaquimantaca manatac quishpiringacunachu.

COLOSENSES 3:2

Ama cai pachapi ima tiyashcacunallapi shunguta churaichicchu, ashtahuanpish jahua pachapi imalla tiyashcapi yuyashpa causaichic.

2 PEDRO 2:1

Israelcunapurapica*f** “Diosmantami huillacuni” nishpa, ñaupa llullac huillaccunapish tiyashcami. Chashnallatacmi cancunapurapipish llullashpa yachachiccuna tiyanga. Chashnami paicunata Quishpichic Apunchic Jesusta “mana ricsinichu” nishpa, cancunamanca allita yachachicuc shinalla llaquiman pushac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

2 CORINTIOS 11:15

Chaimanta Satanaspacta ruhuaccunapish “cashcata ruhuanami alli” nic tucucpica, ima mancharina mana canchu. Shina cacpipish paicuna imata ruhuacushca shinallatacmi chingaringacuna.

2 CORINTIOS 11:12

Imata mana chasquishpa, ñuca huillashpa cushicuc shina, chai llullashpa puriccuna huillashpa ama cushicuchunmi, ima shina ruhuacuc shinallatac ruhuashpa c'atisha.

2 PEDRO 2:13

Chashnami shuccunata llaquichishcamantaca, paicunapish llaquita apangacuna. Paicuna imapish mapa, mana allicunata punzha pacha ruhuashpaca, “allitami ruhuanchic” nishpami cushicuncuna. Cancunahuan cangapac tandanacuicunaman rishpaca, imapish quiquin munashcata ruhuashpami, pingaipac mapata ruhuancuna. Chai shina ruhuashpaca, cancunata umashpami cushicuc tucuncuna.

GÁLATAS 6:13

Shina cacpipish circuncisionta ruhuaccunapish mana tucui Moisés mandashcacunataca pactachincunachu. Chashna cashpapish paicuna taucacunata circuncisionta ruhuachishpa “allimi cani” ningapacllami, cancunataca circuncisionta ruhuachun nincuna.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.

1 CORINTIOS 3:3

Cancunaca cai pacha jucha munashca shina causacushcamantami, shuccuna ama charichun nishpa munanacunguichic, shinallatac p'iñanacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

SAN JUDAS 1:16

Chai shina caccunaca huashalla parlarishpa rimaccunami, ima charishcacunahuanpish mana cushilla caccunami, shinallatac quiquinman imapish alli cachunllami munancuna. Paicuna jatun tucushpami, imatapish japingaraiculla pitapish “canca allimi cangui” nic tucuncuna.

2 TIMOTEO 3:4

Taita Diosta cazunapac randica, imapish quiquin shungupi munashcata ruhuashpa cushicushpami, jatun tucushpa, ima millaitapish ruhuashpa llaquichina yuyailla cangacuna.

1 TIMOTEO 6:5

Chaimantami paicunaca imami alli cashcata mana yachashpa, yuyai illac shina tucushpa p'iñanacuncunalla. Paicunaca chayucyana yuyaillahuanmi Diosta cric tucuncuna.

2 TESALONICENSES 2:12

Cashcata nic huillashcata huillacpi mana crisha nishpa, mana allillata ruhuashcacunahuan cushicushcamanta, paicuna tucuillatac jatun llaquiman richunmi, chashnaca ruhuanga.

FILIPENSES 2:21

Caishuccunaca paicuna alli canallatami mashcancuna. Jesucristomanta allita ruhuanataca mana munancunachu.

1 CORINTIOS 5:6

Cancunaca chai shina mana allicuna tiyashca jahuaca, mana jatun tucunachu canguichic. “Ashalla levadura tucui chaputa punguillichic” nishcataca, cancunallatac yachanguichicmi.

1 CORINTIOS 5:2

¿Cancunaca chai shina cashca jahuachu jatun tucunguichic? ¡Chaipac randica, tucui shungumantamari llaquirina canguichic! Pipish chai shina huacllirictaca, cancunapuramanta llucchishpami cachana canguichic.

APOCALIPSIS 19:20

Chai manchana animaltapish, llullashpa huillactapish prezu japircacunami. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

SANTIAGO 4:16

Ashtahuanpish cancunaca jatun tucushpami: “Caitapish, chaitapish ruhuashunmi” nicunguichic. Chai shina jatun tucushpa rimanaca mana allichu.

2 TESALONICENSES 2:8

chai millaita ruhuac runami ricuringa. Paitami Apunchic Jesusca cutin shamushpa, paipac shimihuan p'ucushpa huañuchinga, shinallatac paipac sumac achiclla cashcahuanmi chingachinga.

SAN LUCAS 18:4

Juezca pai mañashcata mana utca ruhuarcachu. Chashna nishpa puricucllapimi, chai juezca cashna yuyarca: ‘Diostapish mana manchanichu, pitapish mana llaquinichu.

SAN LUCAS 16:19

Shuc chayuc runami tiyarca. Chai runaca punzhantami achca valic churanata churarishpa, alli micunallata micushpa cushicuc carca.

SAN LUCAS 12:19

Chashna huacaichishpaca, tauca huatapacmi charisha. Cunanca cushicushpa, micushpa, ubiashpa samarishami’ niricurca.

SAN MATEO 25:41

Chai q'uipami ñucaca lluqui ladoman caccunataca: ‘Caimanta anchurichic, Taita Dios mana allichu canguichic nishcacuna. Diabloman, shinallatac paipacta ruhuac angelcunaman allichishca, mana huañuc ninamanmi shitashca cana canguichic.

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.

SAN JUDAS 1:4

Chaica ñucanchicpurahuanmi, llullashpa yachachishpa maijan llullac huillaccuna tandarishca. Chaicunatami ñaupa punzhacunamanta pacha Diosca jatun llaquiman rina cashcata huillashca. Chaicunaca millai runacunami. “Ñucanchic Taita Dios c'uyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

ROMANOS 6:21

Ashtahuanpish cunan pinganayachic juchacunata ñaupaman ruhuashcamantaca, ¿ima allitatac japircanguichic? ¿Chaicunaca manachu huañuiman apan?

2 TESALONICENSES 1:9

Paicunaca huiñaicamanmi llaquichishpa, chingachishca cangacuna. Shinallatac imatapish ruhuaclla Apunchic Jesuspac sumaimana ñaupamantapish, caruman shitashcami cangacuna.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpa, mana allita rimancunallami. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.