FILIPENSES 3:12 - Nuevo Testamento en Quichua Cañar 1996

¹² Ñucaca: “Cai tucui nishcata ña pactachishpa, allimi cani” ninatapish, shinallatac: “Ima pandatapish ña mana ruhuanichu” ninatapish, mana ni pudinichu. Ashtahuanpish Jesucristo acllashcamantaca, japina cashcata japingacaman ricunillami.

Dios Rimashcata Quillcashcami

¹² Ñucaca: «Cai tucui nishcata ña pactachishpa, allimi cani» ninatapish, shinallatac: «Ima pandatapish ña mana ruhuanichu» ninatapish, mana ni pudinichu. Ashtahuanpish Jesucristo acllashcamantaca, japina cashcata japingacaman ricunillami.

FILIPENSES 3:12 Referans Kwoze

2 CORINTIOS 7:1

Caicunami Dios ñucanchicman allicunata cushami nishcacunaca. Shina cashcamanta c'uyashca criccuna, cuerpotapish, almatapish tucui imapish mapayachinamantaca huacaichirishpa, chuya cashunchic. Shinallatac Taita Diosta manchashpa, paipaclla tucushpa causanata yuyailla cashunchic.

HEBREOS 13:21

Diosllatac tucui imapipish pai munashca shina allicunata ruhuac cachun cancunaman yachachichun, shinallatac Jesucristomanta tucui ñucanchicta pai munashca shina ruhuachichun nishpami mañani. ¡Apunchic Jesusllata huiñai huiñaita “sumacmari cangui” nishca cachun! Chashna cachun.

EFESIOS 1:4

Taita Diosca paipac c'uyaimantami manarac cai pachata ruhuashpa, ñucanchictaca Cristohuan shuc shinalla tucushpa jucha illac, paipaclla paipac ñaupapi cachun acllashca.

FILIPENSES 3:16

Shina cashcamanta ña uyashcata alli yuyarishpa, ñucanchic c'aticushca shinallatac alli causashunchic.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai c'uyac cashcata yachashpa, ashtahuan c'uyanacuichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

SANTIAGO 3:2

Tucuillatacmi tauca cutin imapipish pandarinchic. Maijan imata rimashpapish mana pandaricca, mana juchanchipac alli runami. Chashna alli cashcamantaca, paipac cuerpotapish ima mana allimantaca jarcarinmi.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

GÁLATAS 5:17

Millai munaicunaca Diospac Espiritupac munaitaca p'iñanmi. Shinallatac Diospac Espiritupish millai munaicunataca p'iñanllatacmi. Chashna ishcaimanta mana apanacuc cashcamantami, ima munashcatapish mana ruhuai pudinguichic.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

2 TESALONICENSES 2:13

Apunchic Jesús c'uyashca criccuna, ñucanchicca cancunata yuyarishpaca, punzhantami Taita Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

2 CORINTIOS 13:9

Chaimanta ñucata “shina shinalla cricmi” nicucpipish, cancuna ashtahuan sinchi criccuna cacpimi cushicuni. Cancuna Cristota c'atishpa, ashtahuan sinchiyangacamanmi, Taita Diosman mañashpa c'aticushalla.

1 CORINTIOS 13:10

Ima shina cashcatatac yachana chayamucpica, chai ashalla yachashcaca chingaringallami.

1 TESALONICENSES 5:15

Shuccuna ima mana allita ruhuacpipish, paicunatapish chashnallatac ruhuanamantaca huacaichirichic. Chaipac randica punzhanta cancunapurapipish, tucui gentecunahuanpish allita ruhuanata munaichic.

1 TIMOTEO 6:19

Chashna ruhuashpami, q'uipa punzhapi huiñai causaita japingapac ña utcashpa mana chingaric allicunata ruhuacuncuna.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

HEBREOS 12:23

Jahua pacha libropi quillcashca, Diospac punta huahuacuna tandanacushcaman, tucuita taripashpa ricuchic Diospacman, shinallatac cashcata ruhuaccunata Dios allita ruhuashca almacunapacmanmi chayarcanguichic.

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

ROMANOS 8:39

jahua pachapish, ucu pachapish, tucui ima tiyaccunapish, ñucanchic Apunchic Jesucristomanta ñucanchicta Taita Dios c'uyashcamantaca imapish mana anchuchingachu.

1 CORINTIOS 9:24

Shuc callpanapi caccunaca tucuimi callpancuna. Shina cacpipish japina cashcataca shucllami japin. Chaitaca cancunallatac yachanguichicmi. Shina cashcamanta chai japinata cancunapish japingapacca, callpashpa mishanacuc shina alli causaichic.

1 CORINTIOS 13:12

Cunanca espejopi amsa amsallata ricucushca shinallami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca ñucaca ima shina cashcatatacca mana yachanichu. Shina cashpapish, ima shinami Taita Dios ñucata ricsin, shinallatacmi shamuc punzhaca ricsisha.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

FILIPENSES 3:8

Ñucata Mandac Jesucristomanta sumac yachana tucuita yalli alli cacpimi, ñucapac tucui imalla allicunatapish yangata ruhuashpa saquircani. Cristota c'uyashpa paihuan cangapacmi, chai tucui yangallacunataca ima mapata laya shitarcani.