FILIPENSES 2:30 - Nuevo Testamento en Quichua Cañar 1996

³⁰ Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

Dios Rimashcata Quillcashcami

³⁰ Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

FILIPENSES 2:30 Referans Kwoze

1 CORINTIOS 16:17

Ñuca cancunahuan mana cashpa llaquilla cacpipish, Estefanaspish, Fortunatopish, Acaicopish shamushcamantami ñucaca cushicuni.

FILIPENSES 4:10

Ña unai cacpipish cancuna cutin ñucata yuyarishcamantaca, Apunchic Jesusmantami munai cushicuni. Cancunaca mana cungarinamantachu mana yuyarishcanguichic, ashtahuanpish ima shina mana cachaipac cacpimi, imata mana cacharcanguichic.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli c'uyacucpica, ¿ima nishpatac cancunaca ashallata c'uyanguichic?

APOCALIPSIS 12:11

Paicunaca Pactalla Oveja*f** huañushpa yahuarta jichashcamantapish, alli huillaita huillashcamantapish chai llaquichictaca mishashcami. Shinallatac huañuna cacpipish, mana manchashpami c'atircacuna.

FILEMÓN 1:13

Alli huillaita huillashcamanta ñuca prezu tiyacucpi cambac randi ñucaman allita ruhuachunmi, caipi saquirichun munani.

FILIPENSES 2:27

Paica huañuna laya, ancha ungushcatacmi carca. Ashtahuanpish Taita Diosmi ñuca llaquita apacushca jahua ama ashtahuan llaquita apachun nishpa, paitapish ñucatapish llaquishpa, paitaca alliyachirca.

FILIPENSES 2:17

Cancuna crishpaca, Taita Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

1 CORINTIOS 16:10

Timoteo chayacpica, cushilla cachun paitaca alli chasquinguichic. Paica ñuca shinallatacmi Apunchic Jesucristopacta ruhuac can.

1 CORINTIOS 15:53

Ñucanchic ismuclla cuerpoca mana ismuclla cuerpomi tucunga. Shinallatac ñucanchic huañunalla cuerpoca mana huañuna cuerpomi tucunga.

ROMANOS 16:4

Paicunaca ñucata quishpichingaraicumi ashallamanta mana huañurcacuna. Chaimantaca mana ñucallachu pagui nini, ashtahuanpish caishuc cric mana israelcunapish*f** pagui nincunami.

2 CORINTIOS 4:12

Chashna cacpimi ñucanchic huañunalla cashpaca, huañuna cashcata ricuchinchic. Cutin cancunaca ñucanchic shina mana huañunalla cashpaca, huiñai causaita charishcatami ricuchinguichic.