FILIPENSES 2:3 - Nuevo Testamento en Quichua Cañar 1996

³ Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

Dios Rimashcata Quillcashcami

³ Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

FILIPENSES 2:3 Referans Kwoze

ROMANOS 12:10

Crishcamanta huauquindicpura cashcamantami, caishuc chaishuchuan c'uyanacuna canguichic. Shuccunaca quiquinta yalli cashcata yuyashpa, allimi nishpa yuyanami canguichic.

GÁLATAS 5:26

Ñucanchicpurapica mana jatun tucushpa, shuccunahuan mana p'iñanacushpa, shinallatac shuccuna ama charichun nishpaca, ama munashunchic.

EFESIOS 5:21

Apunchic Jesucristota cazushcamanta caishuc chaishuc cazunacuichic.

EFESIOS 4:2

Ama pihuanpish jatun tucushpa, ama p'iñarishpa, c'uyac shunguhuan caishuc chaishuchuan apanacushpa c'uyanacuichic.

1 PEDRO 5:5

Chai shinallatac q'uipa huiñaicunapish, pushaccuna ima nishcata cazuichic. Tucuimi mana jatun tucushpa, caishuc chaishuchuan cazunacuna canguichic. Pai quillcachishcapica Taita Diosca: “Jatun tucushcacunataca p'iñanimi. Cutin mana jatun tucushcacunataca c'uyanimi” ninmi.

FILIPENSES 2:14

Ama huashalla rimanacushpa, ama p'iñanacushpa imatapish ruhuaichicchu.

GÁLATAS 5:15

Cancunaca sacha animalcuna shina caninacushpa, caishuc chaishuc llaquichinacushpaca chingaringuichicmi.

1 TIMOTEO 6:4

imatapish mana yachac jatun tucushcallami. Paica ima rimashcapish “caica cashnami nisha nin” nishpa, shuccunahuan rimanacushpa p'iñanacunallatami munan. Chashna cacpimi shuccuna ama charichun nishpa munanacuipish, macanacuipish, rimanacuipish, shinallatac imatapish mana crinacuipish tiyan.

SAN LUCAS 18:14

Cancunaman huillanimi: Fariseopac randica, impuestota japic runaracmi juchacunata Taita Dios perdonashca paipac huasimanca cutimurca. Maijanpish ‘allimi cani’ nictaca, mana allichu nishcami canga. Shinallatac maijanpish ‘mana allichu cani’ nictaca, alli nishcami canga” nirca.

COLOSENSES 3:8

Ashtahuanpish cunanca p'iñanacunata, mana allita ruhuana yuyailla purinata, millai canata, c'aminata, shinallatac maipish cachun rimanata saquinami canguichic.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna ch'icanyarinacushpa, shuccuna ama charichun nishpa munanacushpa, p'iñanacushpa, quiquinlla alli canata munanacushpa, huashalla parlanacushpa, c'aminacushpa, jatun tucushpa shinallatac maipish cachun causashpa puricuctami manchani.

1 CORINTIOS 3:3

Cancunaca cai pacha jucha munashca shina causacushcamantami, shuccuna ama charichun nishpa munanacunguichic, shinallatac p'iñanacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

1 CORINTIOS 15:9

Chaica ñucami, tucui Jesús acllashca huillaccunamanta yalli yangalla cani. Shinallatac Diospaclla cac tandanacushca criccunata mana ricunachishpa llaquichishcamantaca, mana Jesús acllashca huillac nishcapish cana canichu.

ROMANOS 13:13

Shina cashcamanta punzhapi puricuc shina, allita ruhuashpa causashunchic. Jatun micuitapish, ubianatapish ama ruhuashunchic, ama huacllirishunchic, ama p'iñanacuipi churashunchic, shuccuna ama charichun nishpa ama munashunchic, shinallatac ima mana allicunatapish ama ruhuashunchic.

ROMANOS 2:8

Shina cacpica, maijanpish quiquin munashcata ruhuashpa, cashcata nic huillashcata mana cazushpa, mana allita ruhuaccunataca paipac p'iñaihuan Taita Diosca llaquichingami.

COLOSENSES 3:12

Taita Diosca cancunata c'uyashpami, paipaclla cachun acllarca. Chaimantami mushuc churanata churaric shina, shungumanta llaquishpa, c'uyashpa, mana jatun tucushpa, mana p'iñarishpa, shinallatac c'uyac shunguhuan causana canguichic.

1 PEDRO 3:8

Ashtahuanpish cancunaca caishuc chaishuchuan c'uyanacushpa, llaquinacushpa, shuc shinalla yuyashpa, ama jatun tucushpa, alli shunguhuan causaichic.