FILIPENSES 2:19 - Nuevo Testamento en Quichua Cañar 1996

¹⁹ Apunchic Jesuspac munai cacpica, Timoteotami cancunapacman utca cachanata yuyacuni. Pai cutimushpa cancuna ima shinalla cashcata huillacpica, ñucaca ashtahuanmi cushicusha.

Dios Rimashcata Quillcashcami

¹⁹ Apunchic Jesuspac munai cacpica, Timoteotami cancunapacman utca cachanata yuyacuni. Pai cutimushpa cancuna ima shina cashcata huillacpica, ashtahuanmi cushicusha.

FILIPENSES 2:19 Referans Kwoze

1 CORINTIOS 4:17

Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

1 TESALONICENSES 3:2

Jesusmanta ñucanchic huauqui Timoteollata cancunapacman cacharcanchic. Paica Cristomanta alli huillaita huillashpa, Taita Diospacta ruhuacmi. Pai cancunapacman rishpa cunashpa, alli crina yuyaita cuchunmi, chashna cacharcanchic.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

FILIPENSES 2:28

Cunanca paita ricushpa cutin cushicuchunmi, ñucapish ña ama ashtahuan llaquilla cangapac paitaca cancunapacman cachani.

SANTIAGO 4:15

Chaipac randica: “Mandac Dios munacpi causashpaca, caitapish, chaitapish ruhuashunmi” ninami canguichic.

2 TIMOTEO 1:12

Chashna huillac cashcamantami tucui cai llaquicunataca apacuni. Shina cacpipish ñuca pita crishcataca yachanimi. Shinallatac ñucaman mingashcataca, shamuc punzhacaman huacaichina cashcatapish allimi yachani. Chashna cashcamanta manatac pinganichu.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

EFESIOS 1:13

Shinallatac cancunapish cashcata nic alli huillaita uyashpaca Cristota cricpimi, Taita Diosca pai cusha nishca paipac Espirituta cushpa, paipacllata ruhuashca.

ROMANOS 16:21

Ñucahuan Diospacta ruhuac Timoteopish “allilla cashca cachun” nishpami cachan. Ñuca llactamanta cac Luciopish, Jasonpish, Sosipaterpish “allilla cashca cachun” nishpami cachancuna.

ROMANOS 15:12

Ñaupa huillac Isaías huillashpapish: “Isaipac huahua huahua sapipuramanta shucmi retoñac shina tucui llactacunapi causaccunata mandangapac jataringa. Chaimantami paipi shunguta churangacuna” ninmi.

SAN MATEO 12:21

Tucui llactacunapi causaccunami paipi shunguta churashpa shuyangacuna” nishcami.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

HECHOS 16:1

Chai q'uipami Pabloca Silasndic Derbe pueblota rishpa, Listra puebloman chayashpaca, cric Timoteo tuparcacuna. Paipac mamaca israelcunapura*f** Jesusta cric huarmimi carca. Taitaca griego*f** runami carca.

FILIPENSES 2:18

Shina cashcamanta cancunapish cushicushpa, ñucatapish cushichichic.

1 TESALONICENSES 3:5

Chashna llaquicunahuanca, cancuna crinata saquishpa “ña mana c'aticungachu” yuyarcanimi. Chaimantami cancuna ima shina cashcata ricuchun, Timoteotaca cacharcani. Diablo cancunata millaiman pushacpi, ñucanchic ima ruhuashca yanga canatami ashtahuan mancharcani.