FILEMÓN 1:2 - Nuevo Testamento en Quichua Cañar 1996

² Shinallatac cambac huasipi tandanacuc criccunamanpish, Jesusta crishcamanta pani Apiamanpish, ñucanchic shina mana manchashpa huillac Arquipomanpish caitaca quillcanchic.

Dios Rimashcata Quillcashcami

² Shinallatac cambac huasipi tandanacuc criccunamanpish, Jesusta crishcamanta pani Apyamanpish, ñucanchic shina mana manchashpa huillac Arquipomanpish quillcanchicmi.

FILEMÓN 1:2 Referans Kwoze

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

FILIPENSES 2:25

Shinallatac Jesusmanta ñucanchic huauqui Epafroditotaca cachana alli caipac yuyachicpimi, cutichishpa cachagrini. Paimi llaquita apana cacpipish, mana manchashpa alli huillaitaca ñucahuan pacta huillacun. Ñucata ima ruhuanapipish ayudachunmi, cancunaca cachashca carcanguichic.

ROMANOS 16:5

Shinallatac Priscilapac, Aquilapac huasipi tandanacuc criccunatapish “allilla cashca cachun” nichic. Asia llactapi causac ñucahuan mai apanacuc Epenetotapish “allilla cashca cachun” nichic. Paimi chai llactapica Jesucristota punta cric carca.

COLOSENSES 4:15

Shinallatac Laodicea pueblopi causac criccunatapish, Ninfatapish paipac huasipi tandanacushca criccunandic “allilla cashca cachun” ninchicmi.

1 CORINTIOS 16:19

Asia llactapi cac tandanacushca criccunaca “allilla cashca cachun” nishpami cachancuna. Aquilapish, Priscilapish, shinallatac paicunapac huasipi tandanacuc criccunapish Apunchic Jesushuan shuc shinalla tucushcamantami, “allilla cashca cachun” nishpa cachancuna.

ROMANOS 16:1

Jesusmanta ñucanchic pani Febetami alli chasquichun nini. Paica Cencrea pueblopi tandanacushca criccunata ayudacmi.