FILEMÓN 1:14 - Nuevo Testamento en Quichua Cañar 1996

¹⁴ Chashna cashpapish can ima nishcata manarac yachashpaca, ñuca quiquin munaimantaca imata mana ruhuasha ninichu. Can ima allita ñucaman ruhuasha nishpaca, ama ñuca nishcallamanta ruhuangui, ashtahuanpish can munashca shina ruhuanguilla.

Dios Rimashcata Quillcashcami

¹⁴ Chashna cashpapish can ima nishcata manarac yachashpaca, ñuca munaimantaca imata mana ruhuasha ninichu. Can ima allita ñucaman ruhuasha nishpaca, ama ñuca nishcallamanta ruhuanguichu, ashtahuanpish can munashca shina ruhuangui.

FILEMÓN 1:14 Referans Kwoze

2 CORINTIOS 9:7

Mana misarishpa, shinallatac mana mandashcallamantachu cuna, ashtahuanpish tucui shunguhuanmi cuna can. Chashna cushicuihuan cuctami Taita Diosca c'uyan.

2 CORINTIOS 9:5

Chashna cacpimi cai huauquicunarac ricungapac rishpa, cancuna alli shunguhuan ñaupaman ayudasha nicushcata tandachinacuchun, cachana alli caipac cacpi ñaupachishpa cachani. Chashna ruhuacpimi mana ñucanchic nishcallamanta, ashtahuanpish cancuna cuna munaihuan cushcaca yacharinga.

2 CORINTIOS 8:12

Maijanpish pai charishcamanta tucui shunguhuan imata cucpica, Taita Diosca chasquinmi. Ashtahuanpish Taita Diosca imata mana charishcataca mana mañanchu.

2 CORINTIOS 1:24

Cancunaca ña alli criccunami canguichic. Chaimantami crishpa caita chaita ruhuachun nishpa, ña mana mandanchic, ashtahuanpish cancuna cushicuihuan crishpa c'atichunmi, ñucanchicca ayudanata munanchic.

1 CORINTIOS 9:17

Ñuca munaillamanta huillashpaca, japina cashcataca japimanmi, ashtahuanpish “huillanami cangui” nishpa, mandashcallamanta ruhuacushpaca, Dios mingashcallatami ruhuacuni.

1 CORINTIOS 9:7

¿Pitac quiquin cullquihuanca soldado tucungapac ringa? ¿Pitac manapish micungapac uvasta tarpunga? ¿Pi michictac lecheta capishpaca, mana ubianga?