FILEMÓN 1:12 - Nuevo Testamento en Quichua Cañar 1996

¹² Paitaca cambacllamantacmi cachani. Chaimanta ñucata chasquic shinallatac, paitaca chasquingui.

Dios Rimashcata Quillcashcami

¹² Paitaca cambacllamantacmi cachani. Ñucata chasquic shinallatac, paitaca chasquiyari.

FILEMÓN 1:12 Referans Kwoze

EFESIOS 4:32

Caishuc chaishuchuan c'uyac shunguhuan apanacushpa alli causaichic. Taita Dios cancunataca Jesucristomanta juchacunata perdonashca shina, caishuc chaishuc perdonanacuichic.

SAN LUCAS 15:20

Chashna yuyarishpami ñanta japishpa, paipac taitapacman cutimurca. Ña cutimucucpica, paipac taitaca caruta shamucuctami ricurca. Paita ricushpaca mai llaquishpami, tupangapac callparca. Chashna tupashpaca, ucllarishpami mucharca.

MARCOS 11:25

Chashnallatac cancuna Taita Diosman mañacushpaca, maijanta p'iñachishca cashpaca perdonaichic. Chashna ruhuacpimi, jahua pachapi cac cancunapac Taitapish cancunapac juchacunata perdonanga— nirca.

FILEMÓN 1:11

Ñaupamanmi Onesimoca mana allita ruhuac carca. Cunanca canmanpish, ñucamanpish allita ruhuacmi.

FILEMÓN 1:13

Alli huillaita huillashcamanta ñuca prezu tiyacucpi cambac randi ñucaman allita ruhuachunmi, caipi saquirichun munani.