EFESIOS 6:18 - Nuevo Testamento en Quichua Cañar 1996

¹⁸ Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

Dios Rimashcata Quillcashcami

¹⁸ Diosta mañanataca ama saquichicchu. Diospac Espíritu yuyaita cushca shina mañaraichic. Mana quillanayachishpa chaparacuichic. Shinallatac Diospaclla cac tucui criccunamanta punzhanta Diosta mañaichic.

EFESIOS 6:18 Referans Kwoze

1 TESALONICENSES 5:17

Taita Diosman mañanataca ama saquichicchu.

COLOSENSES 4:2

Cancuna Taita Diosta pagui nishpami, riccharishca shina punzhanta mañacunalla canguichic.

FILIPENSES 4:6

“¿Imachari tucusha?” nishpa, ama chai yuyailla canguichicchu. Ashtahuanpish Taita Diosman mañacushpaca, tucuita paiman huillashpa, imamantapish pagui nicuichiclla.

1 TIMOTEO 2:1

Tucuimanta yallica cancuna Taita Diosman mañacushpaca, imamantapish pagui nishpa, tucui gentecunamanta mañachunmi munani.

SAN JUDAS 1:20

Ashtahuanpish c'uyashca criccuna, Diospaclla cachun cushca crinata allita c'atiraichic. Diosman mañashpapish, Diospac Espíritu yuyaita cushca shina mañaichic.

MARCOS 14:38

Cancunata imapish mana allita ruhuana yuyaicuna ama japichunca, riccharishpa Taita Diosman mañacuichic. Cancunapac shungu mañana yuyaita charicpipish, cancunapac cuerpoca shaicunllami— nirca.

SAN LUCAS 21:36

Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.

SAN MATEO 26:41

Imapish mana alli yuyaicuna ama japichunca, riccharishpa Taita Diosman mañacuichic. Cancunapac shungu alli yuyaita charicpipish, cancunapac cuerpoca shaicunllami— nirca.

EFESIOS 1:16

ñuca Taita Diosman mañashpaca, cancunata mana cungarishpa cancunamanta Diosta pagui nicunilla.

ROMANOS 12:12

Crishcamanta japina cashcata shuyacushcamantaca, cushicushpa causaichic. Ima llaqui japicpipish, chai llaquita apaichiclla. Taita Diosman mañanataca ama saquichicchu.

MARCOS 13:33

Cancunaca ñuca ima horas cutimunata mana yachashcamantaca, alli yuyaihuan riccharishca shina chaparacuichic, Diosman mañaracuichic.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

HECHOS 1:14

Tucui paicunami Jesuspac huauquicunahuanpish, paipac mama Mariahuanpish, shinallatac caishuc huarmicunahuanpish Taita Diosman mañangapac tandanacuclla carcacuna.

SAN LUCAS 22:46

Chaita ricushpaca: —¿Ima nishpatac suiñucunguichic? Ima millai yuyaicuna ama urmachichunca, jatarishpa Taita Diosman mañaichic— nirca.

HEBREOS 5:7

Apunchic Jesucristoca cai pachapi causacushparacmi, huañuimantapish quishpichic Taita Diosmanca caparishpa, huacashpa mañarca. Jesusca Pai mandashcata ruhuac cashcamantami, Taita Diosca uyarca.

2 TIMOTEO 1:3

Ñaupa taitacuna ruhuashca shinallatac, ñucapish tucui shunguhuan Diospacta ruhuashpa, tutapish, punzhapish paiman mañacushpaca, canta yuyarishpami pagui nicunilla.

FILIPENSES 1:4

Cancunaca callari punzhamanta pachami, quishpirinamanta alli huillaita ñuca huillacucpica, cunancaman ñucahuan pacta allita ruhuacushcanguichic. Chaimantami Taita Diosman ñuca mañacushpaca, tucui cancunamanta cushicuihuan mañani.

EFESIOS 6:19

Alli huillaita huillashpa, chai pi mana yachashcata mana manchashpa, imata nina cashcallata huillachunca, Dios yuyaita cuchun ñucamantapish Diosman mañaichic.

HECHOS 12:5

Chaimantami Pedrotaca carcelpi alli cuidaracurcacuna. Chashna cuidacucpipish, criccunaca Taita Diosman Pedromanta mañanataca manatac saquircacunachu.

HECHOS 10:2

Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

HECHOS 6:4

Paicuna chaita ruhuacucpica, ñucanchicca Taita Diosman mañanatapish, paimanta huillanatapish mana saquishunchu— nircacuna.

EFESIOS 3:18

Chai shina cashpami, Diospaclla cac tucui criccunahuan tandanacushpaca, Cristoca tucuimanta yalli c'uyac cashcata yachac chayanguichic. Chai c'uyaica jahuamanpish, uramanpish, chainicmanpish, cashnamanpish shinallatac maicamanpish chayac cashcataca yachac chayanguichic.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

ROMANOS 8:15

Cancunaca mana cutinllatac manchaita cuc, huatashca shina causanaman apac espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: “Ñuca Taitalla” nishpa Taita Diosman mañanchic.

EFESIOS 2:22

Shinallatacmi cancunapish Jesucristohuan shuc shinalla cashpaca, tucuilla tandanacushpa, Diospaclla cac huasi shina tucunguichic. Chashna cacpica Taita Diosmi paipac Espiritumanta chaipi causacun.

SAN LUCAS 3:37

Lamecca Matusalenpac churimi carca. Matusalenca Enocpac churimi carca. Enocca Jaredpac churimi carca. Jaredca Mahalaleelpac churimi carca. Mahalaleelca Cainanpac churimi carca.

COLOSENSES 1:4

Jesucristota crishcata shinallatac Diospaclla cac tucui criccunata c'uyac cashcata yachashpami, chashnaca pagui ninchic.

GÁLATAS 4:6

Shinallatac ñucanchic ña paipac huahuacuna cashcata ricuchingapacmi, Taita Diosca paipac Churipac Espirituta ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

SAN LUCAS 3:26

Nagaica Maatpac churimi carca. Maatca Matatiaspac churimi carca. Matatiasca Semeipac churimi carca. Semeica Josepac churimi carca. Joseca Judapac churimi carca.

COLOSENSES 1:3

Cancunamanta mañacushpaca, ñucanchic Apunchic Jesucristopac Taita Diosmanca punzhantami pagui nicunchiclla.