EFESIOS 6:10 - Nuevo Testamento en Quichua Cañar 1996

¹⁰ Chaimanta cunanca Apunchic Jesushuan shuc shinalla cashcamanta, pai imatapish ruhuaclla cashcahuan sinchi tucuichic.

Dios Rimashcata Quillcashcami

¹⁰ Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

EFESIOS 6:10 Referans Kwoze

FILIPENSES 4:13

Ñucaca imatapish ruhuaclla Cristohuan cashpami, imatapish ruhuai pudini.

1 CORINTIOS 16:13

Riccharishca shina tucui shunguhuan crishpa, imatapish mana manchashpa, alli sinchiyashpa c'atiraichic.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

COLOSENSES 1:11

Taita Dios paipac sumaimana imatapish ruhuaclla cashcahuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish ama p'iñarishpa,

EFESIOS 1:19

Shinallatac imatapish allita ruhuaclla cashpami, ñucanchic criccunapi allita ruhuacushcata yachachun Diosman mañacuni. Cai imatapish ruhuaclla cashcallahuantacmi, Taita Diosca pipish mana ruhuaipaclla cashcata ruhuashpa,

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Taita Diosman mañacuni.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.

2 TIMOTEO 2:1

Ñuca c'uyashca huahua shina Timoteo, canca Jesucristohuan shuc shinalla cashcamanta, Dios c'uyashpa allicunata cushcahuanca ashtahuan sinchi tucuiyari.

FILIPENSES 4:8

C'uyashca criccuna, cunanca ña caillatami nisha nini: Tucui imapipish mana llullac canata, shuccuna alli nishca canata, tucui imatapish allita ruhuac canata, tucui imapipish mapa illac canata, pimanpish c'uyaita ricuchic canata, shinallatac tucuipac alli nishca canatapish yuyaichic. Chai shina yuyaicuna tiyacpica, chaillata yuyashpa c'atichic. Tucui imapipish alli nishca canallata yuyaichic.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

1 PEDRO 3:8

Ashtahuanpish cancunaca caishuc chaishuchuan c'uyanacushpa, llaquinacushpa, shuc shinalla yuyashpa, ama jatun tucushpa, alli shunguhuan causaichic.

FILIPENSES 3:1

C'uyashca criccuna, ¡Apunchic Jesushuan shuc shinalla cashcamanta cushicuichic! Ñucamanca chaillatatac, chaillatatac nishpa quillcanaca, mana shaicuchinchu. Cashna nishpa quillcanaca, cancunamanca mai allimi canga.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

1 JUAN 2:14

Taitacuna, ima manarac tiyacpi Pai ña tiyashcata cancuna ricsishcamantami, cancunamanca quillcani. Q'uipa huiñaicuna, cancuna sinchi cashcamanta Dios rimashca shimita chasquishpa shungupi huacaichishcamanta, shinallatac diablota mishashcamantami, cancunamanca quillcani. Huahuacuna, Taita Diosta ricsishcamantami cancunamanpish quillcani.