EFESIOS 5:16 - Nuevo Testamento en Quichua Cañar 1996

¹⁶ Cunan punzhapi gentecuna mana allita ruhuashpa causacushcamantaca, ruhuanata pudishpaca allita ruhuaichic.

Dios Rimashcata Quillcashcami

¹⁶ Mana alli causai punzhacunapi causacushcamantaca, allita ruhuana tiyacpica allita ruhuaichiclla.

EFESIOS 5:16 Referans Kwoze

COLOSENSES 4:5

Mana criccunahuan tandarishpaca, yachaccuna shina alli caichic. Shinallatac huillana cacpica, paicunaman huillanguichiclla.

SAN JUAN 12:35

Chaimantami Jesusca cashna nirca: —Asha punzhacamanllami Achicyachic-huanca canguichic. Chaimanta manarac tutayacpi, Achicyachic-huan cashcacamanca, achicpi purina canguichic. Amsapi puricca maiman ricushcatapish mana yachanchu.

EFESIOS 6:13

Chaimantami millaihuan macanacuna punzhacunapi macanacushpa mishangapacca, Dios cushca macanacuna churanata churarishca shina caichic. Chashna macanacungapac tucui allichirishca q'uipaca, “macanacungapaclla shuyacuichic” ninimi.

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

ROMANOS 13:11

Tucui caicunataca cunan punzhapi tucui ima tucushcata ricushpa yuyarinami canguichic. Ñucanchic crishca punzhamanta ricucpica, Dios quishpichina punzhaca ñami shamucun. Chaimanta ama suiñucuichicllachu, ashtahuanpish riccharishca shina caichic.

GÁLATAS 1:4

Jesucristoca ñucanchic juchacunamanta huañushpami, cai pacha millai gentecuna shina ama causachun ñucanchicta quishpichishpa, ñucanchic Taita Dios munashcata pactachirca.

1 CORINTIOS 7:26

Ñuca yuyaipica llaqui punzhacunapi causacushcamantaca, manarac cazarashcacunaca ima shina cashca shinallatac causacuchunlla ninimi.

EFESIOS 6:15

Sumac causaita cuc alli huillaita huillangapacca, ushutata churarishca shina caichic.

SAN MATEO 25:17

Chai ishcai talento cullquita japic runapish, chai shinallatacmi mirachirca.