EFESIOS 5:14 - Nuevo Testamento en Quichua Cañar 1996

¹⁴ Chashna achic luzman llucchicpica, imapish luzpimi canga. Chaimantami: “Suiñushcamanta ricchari, huañushcacunapuramanta jatari. Cristomi cantaca achicyachinga” nincuna.

Dios Rimashcata Quillcashcami

¹⁴ Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

EFESIOS 5:14 Referans Kwoze

1 TESALONICENSES 5:6

Chashna cashcamantami caishuccuna suiñucuc shinaca ña mana causana canchic, ashtahuanpish ñucanchicca alli yuyaihuanmi riccharishca shina causana canchic.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Taita Diospac alli maqui ladoman tiyacun.

ROMANOS 6:13

Imapish mana allicunata cancunapac cuerpo ruhuachunca, mana saquinachu canguichic. Chaipac randica ña mana juchata ruhuangapac huañushpa, ña causarishca shina cancunapac cuerpotaca Diospacllata ruhuachun paillaman cuichic.

SAN JUAN 9:5

Cai pachapi cashcacamanca cai pachapi causaccunata achicyachic luzmi cani— nirca.

SAN JUAN 8:12

Jesusca israelcunaman*f** cutin huillashpaca: —Ñucaca cai pachapi causaccunata achicyachic luzmi cani. Maijanpish ñucata c'aticca mana amsapi puringachu, ashtahuanpish causaita cuc luztami charinga— nirca.

EFESIOS 2:5

Chashna c'uyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Taita Dios c'uyashcallamantami, cancunaca quishpirishca canguichic.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

2 TIMOTEO 1:10

Chashnami Quishpichic Jesucristota cai pachaman cachashpa, Taita Diosca c'uyac cashcata ricuchirca. Pai quishpirinamanta huillashpa, huañuita chingachirca, shinallatac mana chingarina causaitapish apamurca.

2 TIMOTEO 2:26

Chashna crishpami diablo huatashpa, tucllapi shina pai munashcata ruhuachishpa causacushcamantaca, yuyarishpa llucshinga.

HECHOS 13:47

Mandac Diosca ñucanchicta mandashpaca: ‘Mana israelcunaman luz shina achicyachichunmi, cantaca churarcani. Tucui cai pachapi causaccunapish can huillashcamanta quishpirichunmi, chashna churarcani’ nishcami— nircacuna.

SAN LUCAS 1:78

Ñucanchic Taita Diosca c'uyashpa llaquishcamantami, tutamanta inti achicyamucuc shina, quishpirinata jahua pachamanta cachanga.

SAN LUCAS 15:24

Cai ñuca churica, huañushca shina chingarishcami carca. Cunanca causaric shinami cutimushca’ nirca. Chaimantaca munaimi cushicui callarircacuna.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.