EFESIOS 2:4 - Nuevo Testamento en Quichua Cañar 1996

⁴ Shina cacpipish Taita Diosca mai llaquic cashpami, ñucanchictaca yallita c'uyarca.

Dios Rimashcata Quillcashcami

⁴ Shina cacpipish Diosca mai llaquic cashpami, ñucanchictaca yallita cuyarca.

EFESIOS 2:4 Referans Kwoze

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.

EFESIOS 1:7

Taita Diosca mai c'uyashcamantami, paipac Churi yahuarta jichashcamanta ñucanchictaca huatashca shinamanta cacharichishpa, juchacunata perdonarca.

ROMANOS 5:8

Ashtahuanpish ñucanchic juchayuccuna cacpica, Cristo ñucanchicmanta huañucpimi, Taita Diosca ñucanchicta c'uyac cashcata ricuchin.

EFESIOS 2:7

Jesucristomanta ñucanchicta mai llaquishpa, yallita c'uyashcata shamuc punzhacunapi ricuchingapacmi, chashnaca ruhuashca.

ROMANOS 10:12

Israelcunapish, mana israelcunapish chai shinallatac cacpimi, Apunchic Jesusca tucuipac Mandac can. Shina cashcamantami maijanpish mañaccunamanca imatapish yallita cun.

1 TIMOTEO 1:14

Chashnami ñucanchic Apunchic Jesucristohuan shuc shinalla tucucpica, c'uyaitapish, crina yuyaitapish, ñucata yallita c'uyashcamanta Apunchic Jesucristoca curca.

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

ROMANOS 9:23

Ñucanchicta llaquishpami, ñaupamanta pacha pai c'uyacushcataca ricuchirca. Shina cashpami, pai sumaimana cashcata ricuchishpa, paipac llactapi causagrichun ña acllarca.

ROMANOS 2:4

Taita Dios paipac c'uyaillamanta paipacman c'ayashcata mana yuyarishpaca, pai punzhanta llaquicushcatapish, mana p'iñarishpa shuyacushcatapish yangapimi churacungui.

2 TESALONICENSES 2:13

Apunchic Jesús c'uyashca criccuna, ñucanchicca cancunata yuyarishpaca, punzhantami Taita Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

SAN LUCAS 1:78

Ñucanchic Taita Diosca c'uyashpa llaquishcamantami, tutamanta inti achicyamucuc shina, quishpirinata jahua pachamanta cachanga.