EFESIOS 2:16 - Nuevo Testamento en Quichua Cañar 1996

¹⁶ Cristoca cruzpi huañushpami, israelcunahuan mana israelcunahuan p'iñanacushcata allichishpa, shuc shinallatac ruhuashpa, Taita Dioshuan alli tucuchun saquirca.

Dios Rimashcata Quillcashcami

¹⁶ Cristoca cruzpi huañushpami, israelcunahuan mana israelcunahuan piñanacushcata allichishpa, shuc shinallatac ruhuashpa, Dios-huan alli tucuchun saquirca.

EFESIOS 2:16 Referans Kwoze

ROMANOS 5:10

Taita Dioshuan ñucanchic p'iñashca cacpiracmi, paipac Churi huañushcamanta paihuan alli tucuchun ñucanchictaca chasquirca. Ña Dioshuan alli tucushcamantami, Cristo causacushcamantaca ñucanchicta quishpichingalla.

COLOSENSES 2:14

Juchata ruhuashcamanta ñucanchic quishpiringapac maita mana pagaipac cacpimi, Jesucristo cruzpi huañushcamanta Taita Diosca chai debitaca anchuchirca. Chai debitaca paganatacmi carcanchic.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami israelmantapish, mana israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

GÁLATAS 2:20

Ñucaca Jesucristohuanmi chacatashca shina cani. Chaimantami ña mana ñucalla causacuni, ashtahuanpish Cristomi ñucapica causacun. Shinallatac cunanca Diospac Churita crishcamantami causani. Paica ñucata c'uyashpami, ñucamanta huañurca.

ROMANOS 8:3

Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

ROMANOS 6:6

Ñaupa ñucanchic ima shina causashcaca, Cristohuan chacatarishca shina cashcataca yachanchicmi. Chashnaca ñucanchicpi tiyac juchacuna ama mandashpa c'atichunmi, chai juchacunataca chingachishpa, Cristohuan chacatarishca shina canchic.

1 CORINTIOS 10:17

Taucacuna cashpapish, tucuimi chai tandallatatac micunchic. Chai shina cashcamantami tucui criccuna shuc cuerpo shina canchic.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamanta, mana israelcuna israelcunahuan pacta japina cashcata japingacunami. Paicunaca shuc cuerpo shina cashcamantami, Jesucristomanta Taita Dios cusha nishcataca chasquingacuna.

EFESIOS 4:4

Diospac Espirituca shucllami. Chaimantami tandanacushca criccunaca shuc cuerpo shinalla can. Taita Diospish cancunata shuclla japina cashcata cushicushpa shuyachunmi c'ayarca.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Taita Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.