EFESIOS 1:23 - Nuevo Testamento en Quichua Cañar 1996

²³ Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

Dios Rimashcata Quillcashcami

²³ Tandanacushca criccunaca Cristopac cuerpomi can. Tandanacushca criccunaca tucui ima illashcatami Cristomanta chasquin. Shinallatac Cristollatacmi maipipish ima illashcacunataca cun.

EFESIOS 1:23 Referans Kwoze

SAN JUAN 1:16

Paipac sumac charishcacunamantami tucui ñucanchicca c'atinta c'atinta allicunata chasquicunchic.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

EFESIOS 3:19

Jesucristo mai c'uyac cashcataca pipish mana tucuita yachac chayangachu. Shina cacpipish pai c'uyac cashcata cancuna ricsichunmi munani. Chai c'uyaita ricsishpami, Taita Dios cancunapac shungupi causacushcatatac yachac chayanguichic.

EFESIOS 4:10

Shina shamushca cashpami, paillatac tucui maipipish cangapacca jahua cielomanta ashtahuan jahuaman rirca.

1 CORINTIOS 15:28

Tucui mashna Cristohuan shuc shinalla tucushpa, paipac ñaupapi cumurishca q'uipaca, Cristollatacmi Diospac Churi cashpapish, tucuita cumurichic Diospac ñaupapi cumuringa. Chai shinami Taita Diosca tucui imatapish paillatac mandanga.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Taita Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

COLOSENSES 3:11

Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

EFESIOS 2:16

Cristoca cruzpi huañushpami, israelcunahuan mana israelcunahuan p'iñanacushcata allichishpa, shuc shinallatac ruhuashpa, Taita Dioshuan alli tucuchun saquirca.

1 CORINTIOS 12:6

Ch'ican ch'ican imata ruhuaipaccunami tiyan. Shina cacpipish Taita Diosllatacmi tucuipi, tucui imatapish ruhuachicun.

ROMANOS 13:5

Chashna cashcamanta mandaccunataca mana llaquichic cashcallamantachu cazuna can, ashtahuanpish quiquinpac yuyaipi alli cashcamantami cazuna can.

EFESIOS 4:4

Diospac Espirituca shucllami. Chaimantami tandanacushca criccunaca shuc cuerpo shinalla can. Taita Diospish cancunata shuclla japina cashcata cushicushpa shuyachunmi c'ayarca.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Taita Dios imatapish yachac cashcata yachachunmi, chashnaca ruhuarca.

EFESIOS 4:13

Chashnaca tucui paita criccuna shuc shinalla tucushpa, Diospac Churita ricsishpa, Cristo shinallatac mana pandaric, alli yuyaiyuc tucungacamanmi acllarca.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.