COLOSENSES 4:11 - Nuevo Testamento en Quichua Cañar 1996

¹¹ Shinallatac Justo nishca Jesuspish “allilla cashca cachun” nishpami cachan. Israelcunapuramanta*f** criccunaca paicunallami, Taita Dios mandacucmanta ñucahuan pacta imatapish ruhuashpa, cushichiccunaca can.

Dios Rimashcata Quillcashcami

¹¹ Shinallatac Justo nishca Jesuspish “allilla cashca cachun” nishpami cachan. Israelcunapuramanta criccunaca paicunallami, Dios mandacucmanta ñucahuan pacta imatapish ruhuashpa, cushichiccuna can.

COLOSENSES 4:11 Referans Kwoze

HECHOS 11:2

Chaimanta Jerusalenman Pedro cuticpica, circuncisionta*f** ruhuac criccunaca paita rimarcacuna.

FILEMÓN 1:1

Jesucristomanta huillashpa puricucpi prezu japishca Pablomi, Jesusmanta huauqui Timoteondic, ñucanchic shina Diospacta ruhuac c'uyashca Filemonman caita quillcashpa cachanchic.

TITO 1:10

Mana cazushpa yangalla parlocunata parlashpa, gentecunata pandachiccunaca achcacunami tiyan. Ashtahuancarin chai mana cazuccunaca circuncisionta*f** ruhuachun niccunami.

COLOSENSES 4:7

Jesusmanta ñucanchic c'uyashca huauqui Tiquicoca Jesucristopacta ruhuac cashpami, ñucataca tucui imapipish ayudacun. Paimi ñucamantaca tucui ima huillana cashcataca huillagringa.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

ROMANOS 4:12

Abrahamca circuncisionta ruhuashcacunapacpish taitami. Mana circuncisionta paicuna ruhuashcallamantachu, ashtahuanpish Abraham manarac circuncisionta ruhuashpa, pai crishpa ima shina causacushcata yuyarishpa c'aticushcamantami paicunapac taita.

HECHOS 10:45

Pedrohuan shamuc Jesusta cric israelcunaca,*f** Taita Diosca paipac Espirituta mana israelcunamanpish*f** cushcata ricushpami mancharircacuna.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.

1 TESALONICENSES 3:7

Chaimanta c'uyashca criccuna, cancuna crishpa, alli c'aticushcata yachashpami, cai tucui llaquicunahuan cashpapish mai cushicunchic.

1 TESALONICENSES 3:2

Jesusmanta ñucanchic huauqui Timoteollata cancunapacman cacharcanchic. Paica Cristomanta alli huillaita huillashpa, Taita Diospacta ruhuacmi. Pai cancunapacman rishpa cunashpa, alli crina yuyaita cuchunmi, chashna cacharcanchic.

FILIPENSES 4:3

Shinallatac can ñucahuan Taita Diospacta ruhuacuc huauquitapish: “Chai panicuna alli tucuchun rimashpa cui” ninimi. Chai panicunaca huauqui Clementendic, shinallatac caishuc huauquicunandicmi pi imata nicucpipish, mana manchashpa alli huillaitaca ñucahuan huillarcacuna. Paicunapac shuticunapish huiñaita causangapac quillcachina libropica ña quillcashcami.

EFESIOS 2:11

Cancuna mana israelcunataca*f** mana circuncisionta*f** ruhuashcamantami, israelcunaca ñaupaca “mana circuncisionta ruhuashcacuna” nishpa c'ayaccuna cashcata yuyarichic. Chai israelcunaca “circuncisionta ruhuaccunami canchic” nishpami, gentecuna yuyashca shinallatac ruhuancuna.

ROMANOS 16:3

Ñucahuan Apunchic Jesuspacta ruhuaccunataca Priscilatapish, Aquilatapish “allilla cashca cachun” nichic.