COLOSENSES 2:5 - Nuevo Testamento en Quichua Cañar 1996

⁵ Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuchuan shuc shinalla cashcata yachashpami cushicuni.

Dios Rimashcata Quillcashcami

⁵ Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuc-huan shuc shinalla cashcata yachashpami cushicuni.

COLOSENSES 2:5 Referans Kwoze

1 TESALONICENSES 2:17

C'uyashca criccuna, cancunamanta ashata caruyashpa, mana ricui pudishpapish, cancuna yuyaillami carcanchic. Chaimantami cancunataca cutin ricugrina yuyailla carcanchic.

1 PEDRO 5:9

Cai pachapica tucui criccunami cancuna shinallatac llaquita apacuncuna. Chaita yachashpami, Jesusta alli crishpa, diablotaca atinata yuyana canguichic.

1 CORINTIOS 16:13

Riccharishca shina tucui shunguhuan crishpa, imatapish mana manchashpa, alli sinchiyashpa c'atiraichic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

1 CORINTIOS 14:40

Ashtahuanpish imata ruhuashpapish, ruhuana cashca shinallatac allita ruhuaichic. Maipish cachunca ama ruhuaichicchu.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic almataca alli sinchita chariracun. Shinallatac cai shuyacushcami, jahua pacha Diosman mañana huasipi tiyac, lienso pañu jarcashca Diospaclla ucuman ñucanchictaca yaicuchin.

1 TESALONICENSES 3:8

Cancuna Apunchic Jesusta alli c'aticushcata yachashpaca, cutin causaric shinami cushicunchic.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.

COLOSENSES 2:1

Ñucaca cancunamantapish, Laodicea pueblopi caccunamantapish, shinallatac tucui ñucata ñahui ñahui mana ricsiccunamantapish llaquita apashpa, tucui yuyaihuan ruhuacushcatami yachachun munani.

1 CORINTIOS 11:34

Chaimanta maijanpish yarcaihuan cashpaca, quiquin huasillapitac micuchun. Tandanacuipi mana allita ruhuashpa micushcamanta Dios ama llaquichishca cachunmi, chashnaca nini. Caishuc allichinacunataca ñuca shamushpami allichisha.

HECHOS 2:42

Paicunaca Jesús acllashca huillaccuna yachachicushcataca allimi cazuccuna carca. Caishuc chaishuchuanpish, allimi apanacuccuna carca. Shinallatac Jesús huañushcata yuyarishpa tandata chaupishpa micungapacpish, Taita Diosman mañangapacpish tandanacuccunami carca.

HECHOS 20:21

Israelcunamanpish, mana israelcunamanpish:*f** ‘Juchayuc cashcamanta llaquirishpa, Taita Diosman cutirishpa, Apunchic Jesucristota crichic’ nishpami huillarcani.