COLOSENSES 1:9 - Nuevo Testamento en Quichua Cañar 1996

⁹ Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

Dios Rimashcata Quillcashcami

⁹ Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

COLOSENSES 1:9 Referans Kwoze

SANTIAGO 3:17

Ashtahuanpish Dios cushca yuyaita chariccunaca, puntaca chuya shungu causanatami munancuna, shinallatac sumactami causancuna. Paicunaca alli shungucunami, imamantapish mana p'iñariccunachu, llaquiccunami, pimanpish mana tucuccunachu, imatapish mana huashalla rimaccunachu.

SANTIAGO 1:5

Cancunapuramanta maijanpish yachaita mana charishpaca, Diosman mañaichic, paica cungallami. Diosca pimanpish mana misarishpami, tucui mañaccunamanca achcata cunga.

COLOSENSES 4:5

Mana criccunahuan tandarishpaca, yachaccuna shina alli caichic. Shinallatac huillana cacpica, paicunaman huillanguichiclla.

HEBREOS 13:21

Diosllatac tucui imapipish pai munashca shina allicunata ruhuac cachun cancunaman yachachichun, shinallatac Jesucristomanta tucui ñucanchicta pai munashca shina ruhuachichun nishpami mañani. ¡Apunchic Jesusllata huiñai huiñaita “sumacmari cangui” nishca cachun! Chashna cachun.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Taita Diosca munan.

2 TESALONICENSES 1:11

Imatapish ruhuaclla ñucanchic Diosllatac cancunata c'ayashcamanta, cancuna pai munashca shina causachunmi, cancunamanta punzhanta mañacunchic. Shinallatac cancuna crishcamanta alli ruhuaicunatapish, alli yuyaicunatapish pai munashca shina pactachinata ayudachunmi, cancunamanta mañacunchic.

1 TESALONICENSES 5:17

Taita Diosman mañanataca ama saquichicchu.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

HEBREOS 10:36

Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

FILIPENSES 1:4

Cancunaca callari punzhamanta pachami, quishpirinamanta alli huillaita ñuca huillacucpica, cunancaman ñucahuan pacta allita ruhuacushcanguichic. Chaimantami Taita Diosman ñuca mañacushpaca, tucui cancunamanta cushicuihuan mañani.

FILEMÓN 1:4

C'uyashca Filemón, cantaca Apunchic Jesusta alli cric, shinallatac Diospaclla cac tucui criccunatapish c'uyac cashcatami uyarcani. Chaimantami Taita Diosman mañacushpaca, canmantapish mañashpa pagui nicunilla.

EFESIOS 6:6

Imata ruhuashpapish, ama paicuna ricucucpi alli ricuringaraiculla ruhuac tucuichicchu, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, amopacta ruhuaichic.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

1 JUAN 2:17

Cai pachaca tucui ima tiyashca millai munaicunandicmi chingaringa, ashtahuanpish Dios munashcata ruhuacca huiñaitami causanga.

1 PEDRO 4:2

Cai pachapi causashcacaman cai pacha jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli c'atishpa, tucui shunguhuan Diospac munaita alli yachashpa, Diospacta ruhuachunmi, punzhanta Taita Diosman mañacunlla.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

EFESIOS 5:10

Cancunaca punzhantami Apunchic Jesús munashca shina causanata yuyana canguichic.

EFESIOS 1:8

Taita Diosca tucuita yachac, alli yuyaiyuc cashpami, paipac c'uyaitapish ñucanchicman ricuchishpa,

SAN JUAN 7:17

Maijanpish Diospacta ruhuana munaita chariccunami, ñuca yachachishcaca ñuca quiquin munaimanta cashcata, mana cashpaca Diosmanta cashcata yachac chayancuna.

1 CORINTIOS 1:5

Paimantami Taita Diosca cancunataca yachaipipish, rimaipipish chayuccuna shinata ruhuashca.

HECHOS 12:5

Chaimantami Pedrotaca carcelpi alli cuidaracurcacuna. Chashna cuidacucpipish, criccunaca Taita Diosman Pedromanta mañanataca manatac saquircacunachu.

FILEMÓN 1:6

Ñucanchic crishcata shuccunaman huillachun nishpa, shinallatac Dios cushca allicunata Jesucristomanta chasquishcatapish alli entendichun nishpami, canmantaca Taita Diosman mañacuni.