APOCALIPSIS 9:19 - Nuevo Testamento en Quichua Cañar 1996

¹⁹ Gentecunata llaquichingapacca, shimipi shinallatac chupapimi caballocunaca charirca. Chai animalcunapac chupacunaca culebra shina umayucmi carca. Chaicunahuanmi gentecunataca yallita llaquichirca.

Dios Rimashcata Quillcashcami

¹⁹ Chai caballocunaca shimihuanpish, chupacunahuanpish llaquichircami. Chai chupacunaca culebrapac uma shinami carca. Chaicunahuanmi gentecunataca yallita llaquichirca.

APOCALIPSIS 9:19 Referans Kwoze

APOCALIPSIS 9:10

Chai animalcunaca alacrán shina chupacunapi tucsina aujacuna apashcami carca. Chai aujacunaca pichca quillacaman nanachic canatami charirca.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata c'atishpa, huaira apashca shinaca ña mana cashun.

APOCALIPSIS 9:18

Paicunapac shimimanta llucshishca ninahuan, cushnihuan, azufrehuan, chai quimsa jatun llaquicunahuanmi, cai pachapi causac gentecunata quimsapi chaupishcamanta shuc partetami huañuchirca.

APOCALIPSIS 9:20

Shina llaquichicucpipish caishuc gentecunaca mana huañurcachu. Shina mana huañushpapish paicuna mana allita ruhuacushcataca mana saquircacunachu. Chashna cashpami supaicunatapish, curimanta, cullquimanta, rumimanta, broncemanta, caspimanta ruhuashcalla dioscunatapish adorashpa c'atirca. Chaicunaca uyanatapish mana uyanchu, ricunatapish mana ricunchu, shinallatac purinatapish mana purinchu.