APOCALIPSIS 9:11 - Nuevo Testamento en Quichua Cañar 1996

¹¹ Chai animalcunata mandacca ucu pacha jutcu ucumanta llucshic angelmi carca. Chai angelpac shutica hebreo*f** rimaipica Abadón, shinallatac griego*f** rimaipica Apolión shutimi carca.

Dios Rimashcata Quillcashcami

¹¹ Chaicunataca jatun jutcuta jatun mandac angelmi mandacurca. Chai angelca hebreo rimaipica Abadón, cutin griego rimaipica Apolión shutimi carca.

APOCALIPSIS 9:11 Referans Kwoze

EFESIOS 2:2

Chashnami cancunaca cai pacha ima millaita c'atishpa, huairapi puric mandac millai espíritu munashcata ruhuashpa causacurcanguichic. Chai espiritumi Taita Diosta mana cazuccunataca mana allita ruhuachishpa mandacun.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

SAN JUAN 16:11

Shinallatac cai pachata mandacta Taita Dios ña juchanchishca cashcamantami, ima shina taripana cashcataca ricuchinga.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

1 JUAN 5:19

Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

1 JUAN 4:4

C'uyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

SAN JUAN 12:31

Cunanmi cai pachapi causaccunata taripashca cagrin. Shinallatac cunanllatacmi cai pachata mandactapish llucchishpa shitashca cagrin.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarcacuna.

SAN JUAN 5:2

Jerusalenpica ovejacuna ucuman yaicuna pungu cuchupimi, shuc uchilla yacu cucha tiyan. Chai cuchaca hebreo*f** rimaipica Betzata shutimi can. Chai cucha muyundictaca, pichca corredor shinata ruhuashpa c'atashcami can.

APOCALIPSIS 16:16

Chai millai espiritucunaca hebreo*f** rimaipi Armagedón nishca pambapimi tucui mandaccunata tandachirca.