APOCALIPSIS 8:3 - Nuevo Testamento en Quichua Cañar 1996

³ Chai q'uipaca shuc angelmi curimanta ruhuashca inciensota churanahuan shamurca. Chashna shamushpaca, altar chaquipimi shayarirca. Chaica achca inciensota chasquishpami, mandashpa tiyarinapac ñaupapi cac curimanta ruhuashca altarpi Diosman curca. Chashna ruhuashpaca, Taita Diospaclla caccuna Diosman mañashcandic tandachishca ricurichunmi, chashnaca curca.

Dios Rimashcata Quillcashcami

³ Chai quipaca shuc angelmi curimanta ruhuashca inciensota churanahuan shamushpa, altar chaquipi shayarirca. Chai angelca Diospaclla caccuna mañashcacunahuan mirarichunmi achca inciensota, mandashpa tiyarinapac ñaupapi cac curi altarpi Diosman curca.

APOCALIPSIS 8:3 Referans Kwoze

APOCALIPSIS 5:8

Pillushca p'angata ña japicpica, chai chuscu animalman ricchacunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Taita Diospaclla caccuna Diosman mañashcacunatami nisha nin.

APOCALIPSIS 8:4

Incienso rupashcapish, Taita Diospaclla caccuna Diosman mañashcandicmi, jahua pacha Taita Diospac ñaupaman angelpac maquimantaca rirca.

SAN LUCAS 1:10

Chaimanta pai inciensota rupachicucpica, canzhapi cac tucui gentecunaca Taita Diosmanmi mañacurcacuna.

APOCALIPSIS 9:13

Sucta niqui ángel tocacpica, Diospac ñaupapi cac chuscu gachuyuc curi altarmanta shuc rimashca uyarishpaca,

HEBREOS 9:4

Chai ucupica, inciensota rupachingapac curimanta ruhuashca shuc altarmi tiyarca. Ari ninacuita ricuchic, muyundicta curimanta ruhuashca cajonpish tiyarcami. Chai cajonpica maná shuti tandata huacaichishca, curimanta ruhuashca mangapish, Aaronpac cutin huiñacuc verdella taunapish tiyarcami. Ishcai tabla rumipi Dios mandashcacunata quillcashcapish tiyarcami.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

APOCALIPSIS 7:2

Shinallatac inti llucshic ladomanta shuc ángel shamuctami ricurcani. Paica causac Diospac unanchinatami charicurca. Chai angelmi mama cucha yacutapish, cai pacha allpatapish huacllichiclla canata chasquic, chuscu esquinacunapi shayacuc angelcunaman caparishpaca:

APOCALIPSIS 6:9

Pichca niqui unanchishcata Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.

APOCALIPSIS 10:1

Chai q'uipaca imatapish ruhuaclla ángel jahua pachamanta p'uyupi pillurishpa shamucuctami ricurcani. Paica umapica cuichi apashca, ñahuica inti shina jagan nicuc, shinallatac changacunaca nina culun nishpa rupacuc shinami carca.

APOCALIPSIS 8:5

Chaimanta ángel incienso churanata japishpaca, altarpi tiyac nina brazasta jundachishpami cai pachaman shitarca. Chashna shitacpica, urcucuna tulun nishcapish, rimashcacunapish uyarircami. Relampa achic nishcapish ricurircami, shinallatac allpapish chucchurcami.

APOCALIPSIS 14:18

Shinallatac ninata cuidachun churashca shuc ángel altarmanta llucshishpaca, jinu hosista charicucta sinchita rimashpami: —¡Cambac hosista llucchishpa, cai pachapi tiyac uvasta p'iti! Uvasca ñami p'ucushca— nirca.