APOCALIPSIS 7:10 - Nuevo Testamento en Quichua Cañar 1996

¹⁰ Chaicunaca: —¡Mandashpa tiyarinapi tiyacuc ñucanchic Taita Diospish, Pactalla Ovejapish ñucanchicta quishpichircami!— nishpami, sinchita caparicurca.

Dios Rimashcata Quillcashcami

¹⁰ Chaicunaca: «¡Mandashpa tiyarinapi tiyacuc ñucanchic Diospish, Pactalla Ovejapish ñucanchicta quishpichircami!» nishpami, sinchita caparicurcacuna.

APOCALIPSIS 7:10 Referans Kwoze

APOCALIPSIS 19:1

Chai q'uipaca jahua pachapi achcacuna sinchita cashna nishpa caparishcatami uyarcani: —¡Ñucanchicta Mandac Diosllami quishpichicpish, sumac cushicuipish, tucui imatapish ruhuaclla can! ¡Chaimanta paitaca tucuilla alli nishca cachun!

APOCALIPSIS 12:10

Shina tucushca q'uipaca jahua pachamanta sinchita caparishpaca: —Cunan punzhami quishpirinapish, Taita Diospac imata ruhuanapish, Taita Dios mandanapish, pai cachashca Quishpichic Cristo mandanapish chayamun. Tutapish, punzhapish Diospac ñaupapi ñucanchic shina criccunata juchanchishpa llaquichictaca ñami caimanta llucchishpa shitashca.

APOCALIPSIS 22:3

Chai pueblopica Dios mana alli nishcaca imapish mana tiyangachu. Taita Diospacpish, Pactalla Ovejapacpish tiyana pueblomi can. Chaipica Diospacta ruhuaccunaca paita alli ningacunami.

EFESIOS 2:8

Cancunaca Jesucristota crishcamantami Taita Dios c'uyashpa, quishpichishcacuna canguichic. Chaitaca mana cancuna allita ruhuashcamantachu chasquircanguichic, ashtahuanpish Taita Dios c'uyashcallamantami cancunaca quishpirishca canguichic.

SAN JUAN 1:29

Cayandic punzha Jesús paipacman chayamucucta ricushpami, Juanca cashna nirca: —Riquichic. Caimi cai pachapi causaccunamantaca, juchacunata anchuchichun Taita Dios cachashca Pactalla Ovejaca.*f**

APOCALIPSIS 21:5

Chai q'uipaca mandashpa tiyarinapi tiyacucca: —Ñucaca tucuitami mushucta ruhuani— nirca. Shinallatac paica: —Cai ñuca nishcacunaca chashnatac cashcamanta shunguta churanallami. Chaicunata quillcai— nirca.

SAN LUCAS 3:6

Tucui gentecunami Taita Dios ima shina quishpichicuctaca ricungacuna’ ” nishcami.

APOCALIPSIS 5:7

Chai Pactalla Oveja shamushpami, mandashpa tiyarinapi tiyacucpac alli maquimantaca pillushca p'angata japirca.

APOCALIPSIS 4:6

Shinallatac chai jatun mandac mandashpa tiyarina ñaupapica, cristal jagan nicuc shina shuc jatun cuchaman ricchami carca. Chai tiyarinapac cuchulla muyundicpica, chuscu animalman ricchami carca. Chaicunaca ñaupamanpish, huashamanpish ñahui murucuna jundami carca.

SAN JUAN 4:22

Samaria llactapi causac cancunaca Taita Diosman mañangapac tandanacushpapish, piman mañacushcata mana yachanguichicchu. Ñucanchicca piman mañacushcataca yachanchicmi. Taita Diosca israelcunapuramantami Quishpichicta cachasha nishca.

SAN JUAN 1:36

Jesús chaita pasacucta ricushpami Juanca: —Riquichic. Paimi Taita Dios cachashca Pactalla Ovejaca—*f** nirca.