APOCALIPSIS 3:19 - Nuevo Testamento en Quichua Cañar 1996

¹⁹ Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.

Dios Rimashcata Quillcashcami

¹⁹ Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

APOCALIPSIS 3:19 Referans Kwoze

1 CORINTIOS 11:32

Apunchic Jesús llaquichishpapish, ñucanchicllatac alli yachacuchun, shinallatac cai pachapaclla causaccunahuan pacta ama jatun llaquiman richunmi, chashnaca llaquichin.

APOCALIPSIS 2:5

Chaimanta cancuna maimanta mana allita ruhuanata callarircanguichic, chaita yuyarishpa Diosman llaquirishpa cutirichic. Callaripi ima shina cashca shinallatac caichic. Cancuna llaquirishpa Diosman mana cutiricpica, cancunapacman utca shamushpami, cancunapac candelerota maipi tiyacushcamanta anchuchisha.

2 CORINTIOS 7:11

Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

SANTIAGO 1:12

Imapish mana alli munaicuna shamucpi, chaita mishacmanca mai cushicuimi canga. Chashna mishacmi Dios paita c'uyaccunaman cusha nishca huiñai causai coronataca japinga.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

ROMANOS 12:11

Apunchic Jesuspacta ruhuacushpaca, ama q'uillacushpa tucui shunguhuan ruhuaichic.

2 CORINTIOS 6:9

Alli ricsishca cacpipish, mana ricsishca shinatami charincuna. Huañunalla cashpapish, causacunchicracmi. Yalli macashpapish, mana huañuchincunachu.

SAN JUAN 2:17

Chaita ruhuacta ricushpami, Jesuspac yachacuccunaca “cambac huasimantaca punzhantami llaquicuni” nishpa, Dios quillcachishcapi David nishcata yuyarircacuna.

GÁLATAS 4:18

Shuccuna alli yuyaicunahuan cacpica, paicunapura tucunaca allimi. Chashnaca mana ñuca cancunahuan cacllapichu alli can, ashtahuanpish tucui punzhacunami chashna ruhuana can.

SAN MATEO 25:7

Chashna caparicta uyashpami, chunga solteracunaca jatarishpa, michata allichi callarircacuna.