APOCALIPSIS 22:4 - Nuevo Testamento en Quichua Cañar 1996

⁴ Taita Diostaca ñahui ñahuimi ricungacuna. Shinallatac paipac shutitapish frentepi churashcami canga.

Dios Rimashcata Quillcashcami

⁴ Diostaca ñahui ñahuimi ricungacuna. Shinallatac paipac shutitapish frentepi churashcami canga.

APOCALIPSIS 22:4 Referans Kwoze

APOCALIPSIS 14:1

Chai q'uipaca Sión*f** urcu jahuapi Pactalla Oveja*f** shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Taita Diospac shutita quillcashca carcacuna.

SAN MATEO 5:8

Taita Dios yuyailla causanata munashpa, chuya shungu canata munaccuna, ¡cushicuichic! Cancunami Taita Diostaca ricunguichic.

APOCALIPSIS 3:12

Maijanpish millaita mishaccunamanca, ñuca Diosman mañana huasi ucupi cac pilar shina canatami cusha. Chaimantaca jaicapi mana llucshingacunachu, shinallatac paicunapica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Taita Diospacmanta shamuc mushuc Jerusalenmi canga. Shinallatac paicunapica ñucapac mushuc shutitapish quillcashami.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

APOCALIPSIS 7:3

—Ñucanchic Taita Diospacta ruhuaccunapac frentepi unanchingacaman cai pacha allpatapish, mama cucha yacutapish, shinallatac ima yuratapish ama imata ruhuanguichicchu— nirca.

1 CORINTIOS 13:12

Cunanca espejopi amsa amsallata ricucushca shinallami, ashallata yachanchic. Shina cashpapish shamuc punzhaca ima shina cashcatatac, ñahui ñahuimari ricushun. Cunanca ñucaca ima shina cashcatatacca mana yachanichu. Shina cashpapish, ima shinami Taita Dios ñucata ricsin, shinallatacmi shamuc punzhaca ricsisha.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

SAN JUAN 12:26

Maijanpish ñucapacta ruhuasha nishpaca, ñucata c'atichun. Ñuca maipimi cani, chaipimi paipish canga. Shinallatac maijanpish ñucapacta ruhuactaca ñuca Taitapish alli ningami.