APOCALIPSIS 18:15 - Nuevo Testamento en Quichua Cañar 1996

¹⁵ Chai pueblopi c'atushpa randishpa chayucyaccunaca chai llaquichicushcata ricushpaca, manchaihuan yallita huacashpami carupi saquiringacuna.

Dios Rimashcata Quillcashcami

¹⁵ Chai pueblopi catushpa randishpa chayucyaccunaca chai llaquichicushcata ricushpami manchaihuan yallita huacashpa carupi saquiringacuna.

APOCALIPSIS 18:15 Referans Kwoze

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota c'atishpa huacllirishcacuna. Cai pachapi tiyac jatun mandaccunapish paihuanmi huacllirishcacuna. Shinallatac chai pueblo yallita chayucyanata munashcamantami, tucui llactacunamanta c'atushpa randishpa causaccunaca yallita chayucyashcacuna— nircami.

HECHOS 16:19

Chai huambramanta cullquita japina tucuricpimi, Pablota chai amocunaca Silasndic japishpa, jatun plazapi cac mandaccunapacman aparcacuna.

MARCOS 11:17

Jesusca chaipi caccunataca yachachishpami: —Dios quillcachishcapica: ‘Ñuca huasica tucui llactacunamanta shamuccuna ñucaman mañana huasimi canga’ ninmi, ashtahuanpish cancunaca shuhuacuna miticuna machai shinatami ruhuashcanguichic— nirca.

APOCALIPSIS 18:12

Chai c'atunacunaca curi, cullqui, sumac rumicuna, perlascunami carca. Shinallatac valishca lienso, seda, morado, puca pañucunami carca. Shinallatac tucui laya mishquilla ashnacuc caspicuna, marfilmanta ruhuashcacuna, sumac caspimanta ruhuashcacuna, broncemanta ruhuashcacuna, fierromanta ruhuashcacuna, marmolmanta ruhuashcacunami carca.

APOCALIPSIS 18:13

Shinallatac canela, mishquilla ashnacuccuna, incienso, mirra,*f** mishquiman ashnacuc jambicuna, vino, aceite, cutashca jarina, trigo, aparic animalcuna, ovejacuna, caballocuna, carrocuna, amopacta ruhuac gentecunapish carcami.

APOCALIPSIS 18:14

Shinallatac chai pueblotaca: —Can mai munashca micunacunataca ña mana charinguichu. Can tucui chai sumaimana charishcacunaca huiñaipacmi chingarishca— ningacuna.

APOCALIPSIS 18:19

Shina nishpaca, mai llaquirishpa yallita huacashpami, ñutu allpata umapi churashpaca: —¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca— nishpami caparingacuna.