APOCALIPSIS 17:1 - Nuevo Testamento en Quichua Cañar 1996

¹ Copacunata charicuc canchis angelcunapuramanta shuc shamushpaca: —Shamui, yacucuna jahuapi tiyacuc huacllirishpa causac huarmita llaquichigricushcata ricuchisha.

Dios Rimashcata Quillcashcami

¹ Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 17:1 Referans Kwoze

APOCALIPSIS 19:2

Paica pimanpish mana tucushpa, cashcata ruhuac cashpami, chai huarmi huacllirishpa tucui cai pachapi causaccunata juchapi urmachishcamantaca llaquichishca. Shinallatac Diospacta ruhuaccunata huañuchishcamantapish paitami llaquichishca— nircacuna.

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Shinallatac cai pachapi tiyac tucui pueblocunapish t'uñirircami. Chai jatun Babilonia pueblotaca jayac vinota ubiachic shina p'iñaihuan llaquichingapacmi, Taita Diosca yuyarirca.

APOCALIPSIS 21:9

Chai q'uipaca canchis tucurina llaquicunata copapi charicuc, chai canchis angelcunapuramanta shuc ángel shamushpaca: —Shamui, Pactalla Ovejapac*f** huarmi cana novia allichishcata ricuchisha— nircami.

APOCALIPSIS 15:1

Cutinllatacmi jahua cielopica shuctac jatun mancharinata ricurcani. Chaica tucurina canchis llaquicunatami canchis angelcuna charicurca. Chai llaquicunahuanmi Taita Diospac p'iñaica ña tucurigricurca.

APOCALIPSIS 21:15

Ñucahuan parlanacuc angelca pueblotapish, pungucunatapish, muyundic jarcashcatapish medina curi varatami charicurca.

APOCALIPSIS 4:1

Chai q'uipaca jahua pachapi pungu pascashcatami ricurcani. Shinallatac puntaman uyarishca shinallatacmi, trompetapi tocac shina shuc rimashca uyarishpaca: —Caiman huichicui, caipica q'uipaman ima shina tucuna cashcatami ricuchigrini— nirca

SAN LUCAS 24:32

Chashna chingaricpimi paicunaca: —Dios quillcachishcata ñanpi ñucanchicman pai yuyachishpa rimashpaca, ¿manachu ñucanchic shungupi yaicucta rimarca?— ninacurcacuna.

SAN LUCAS 9:30

Chaipica ishcai runacuna Jesushuan parlanacucucmi ricurircacuna. Chai runacunaca shucca Moisés, shucca Eliasmi carca.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Taita Diosca curca. Jesucristoca angelta paipacta ruhuac Juanpacman cachashpami caicunataca ricuchirca.

APOCALIPSIS 18:1

Chai q'uipaca imatapish ruhuaclla cashcahuan, jahua pachamanta shuc ángel urai shamucuctami ricurcani. Chai ángel paipac sumaimana cashcahuan achicyachicpimi, cai pachaca punzha shina achicyarca.

APOCALIPSIS 19:9

Chai ángel ñucaman nishpaca: —‘¡Pactalla Ovejapac bodaman c'ayashcacunaca mai cushicuimi cancuna!’ nishpa quillcai. Cai rimashca shimicunaca mana llullachu, ashtahuanpish Dios rimashcami— nirca.