APOCALIPSIS 15:7 - Nuevo Testamento en Quichua Cañar 1996

⁷ Chai chuscu animalman ricchapuramanta shucca, huiñaicaman causacuc Taita Dios p'iñarishpa llaquichinataca curimanta ruhuashca canchis copapi jundachishpa, canchis angelmanmi curca.

Dios Rimashcata Quillcashcami

⁷ Chai chuscu causaita chariccuna puramanta shucca, huiñaicaman causacuc Dios piñarishpa llaquichinatami curimanta ruhuashca canchis copapi jundachishpa, canchis angelman curca.

APOCALIPSIS 15:7 Referans Kwoze

APOCALIPSIS 16:2

Shina nicpi shuc niqui ángel rishpaca, pai charicushca copatami allpapi t'allirca. Chashna t'allicpica, manchana animalpac unanchita charicucta, shinallatac paiman ricchata alli niccunataca millai sisu ung:uimi japirca.

APOCALIPSIS 10:6

Shina churashpaca: —Jahua pachatapish, cai pachatapish, mama cuchatapish, shinallatac tucui chaipi ima tiyaccunatapish ruhuacpac, huiñaita causacpac shutipimi cashna nini: Cunanca shuyana punzhacunaca ña mana tiyangachu.

APOCALIPSIS 5:8

Pillushca p'angata ña japicpica, chai chuscu animalman ricchacunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Taita Diospaclla caccuna Diosman mañashcacunatami nisha nin.

APOCALIPSIS 21:9

Chai q'uipaca canchis tucurina llaquicunata copapi charicuc, chai canchis angelcunapuramanta shuc ángel shamushpaca: —Shamui, Pactalla Ovejapac*f** huarmi cana novia allichishcata ricuchisha— nircami.

APOCALIPSIS 15:1

Cutinllatacmi jahua cielopica shuctac jatun mancharinata ricurcani. Chaica tucurina canchis llaquicunatami canchis angelcuna charicurca. Chai llaquicunahuanmi Taita Diospac p'iñaica ña tucurigricurca.

1 TESALONICENSES 1:9

Chaipac randica, paicunallatacmi ñucanchic chayacpi cancuna ima shina chasquishcata, shinallatac ima shina ruhuashcalla dioscunata alli ninata saquishpa, causac Taita Diostatac servingapac tigrarishcata parlancuna.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 4:10

Chashna nicucpimi chai ishcai chunga chuscu yuyaccunaca coronacunata pambapi churashpa, huiñai huiñaita causacuc chai mandashpa tiyarinapi tiyacucpac ñaupapi cungurishpaca:

APOCALIPSIS 14:10

Taita Diosmanta shamuc jatun llaquitami vinota ubiac shina chasquinga. Chaitaca vasopi t'allishpa chasquic shinami, Diospac p'iñaitaca chasquinga. Chaicunaca Pactalla Ovejapac ñaupapi, shinallatac Diospaclla cac angelcunapac ñaupapimi ninahuanpish, azufrehuanpish llaquichishca canga.

APOCALIPSIS 17:1

Copacunata charicuc canchis angelcunapuramanta shuc shamushpaca: —Shamui, yacucuna jahuapi tiyacuc huacllirishpa causac huarmita llaquichigricushcata ricuchisha.