APOCALIPSIS 14:2 - Nuevo Testamento en Quichua Cañar 1996

² Shinallatac jahua pachamantaca achca yacu huaj nicuc shina, urcucuna sinchita tulun nicuc shina, shinallatac tauca tocaccuna arpapi tocac shinami uyarirca.

Dios Rimashcata Quillcashcami

² Chaipac quipa jahua pachamantaca achca yacu huaj nicuc shina, urcucuna sinchita tulun nicuc shina, shinallatac tauca tocaccuna arpapi tocacuc shinami uyarirca.

APOCALIPSIS 14:2 Referans Kwoze

APOCALIPSIS 5:8

Pillushca p'angata ña japicpica, chai chuscu animalman ricchacunapish, chai ishcai chunga chuscu yuyaccunapish Pactalla Ovejapac ñaupapimi cungurircacuna. Tucui paicunaca arpacunatami charicurcacuna. Curi vasocunapipish incienso jundatami charicurcacuna. Chai inciensoca Taita Diospaclla caccuna Diosman mañashcacunatami nisha nin.

APOCALIPSIS 1:15

Paipac chaquicunapish bronceta ninapi rupachishpa llambushca shinami jagan nicurca. Shinallatac paipac rimashcaca yacucuna huactarishpa huaj nicuc shinami carca.

APOCALIPSIS 15:2

Shinallatac cristalman riccha jatun cucha yacu ninahuan chapushcatami ricurcani. Chai yacu cucha patapica manchana animaltapish, paiman ricchatapish mishashpa, paipac shuti yupaitapish mana chariccuna Dios cushca tocana arpacunata apashpa shayacuctami ricurcani.

APOCALIPSIS 11:15

Canchis niqui angelmi paipac cornetapi sinchita tocarca. Chashna sinchita tocacpimi, jahua pachapi caccunaca: —Tucui cai allpa pachapi cac llactacunaca, ñucanchic Taita Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga— nishpa, sinchita caparishcatami uyarcani.

APOCALIPSIS 18:22

Shina chingaricpica flautapi tocashcapish, arpapi tocashcapish, cornetapi tocashcapish, shinallatac maijan cantashcapish cambac callecunapica jaicapi mana uyaringachu. Tucui imata ruhuashpa causaccunapish jaicapi mana tiyangachu. Cutana rumi huacashcapish mana uyaringachu.

APOCALIPSIS 11:12

Chai ishcai huillaccunaca: “¡Caiman huichicuichic!” nishpa, jahua pachamanta sinchita caparishcatami uyarca. Shina nicpica, paicunata p'iñaccuna ricucucpimi p'uyupi huichicurcacuna.

APOCALIPSIS 6:1

Chai q'uipaca chai Pactalla Ovejami*f** canchispi unanchishca unanchicunamanta shuc niqui unanchishcata pascarca. Shinallatac chai chuscu animalman ricchacunamanta shucca urcu tulun nic shina sinchita rimashpaca: “¡Shamui!” nicta uyarcani.

APOCALIPSIS 1:10

Chaica domingo punzhapi Diospac Espíritu japicpimi, ñuca huashamantaca shuc cornetapi tocac shina sinchita rimashca uyarishpaca:

APOCALIPSIS 8:7

Punta niqui ángel tocacpica, yahuarhuan chapushca nina rundu urmashpaca, cai allpata quimsapi chaupishcamanta shuc partetaca yuracunandic, q'uihuacunandicmi rupachirca.

1 CORINTIOS 13:1

Gentecunapac rimaita shinallatac angelcunapac rimaita ñuca rimashpapish, c'uyaita mana charishpaca, chilin nic fierro, chilin nic platillo shinallami uyarini.