APOCALIPSIS 1:10 - Nuevo Testamento en Quichua Cañar 1996

¹⁰ Chaica domingo punzhapi Diospac Espíritu japicpimi, ñuca huashamantaca shuc cornetapi tocac shina sinchita rimashca uyarishpaca:

Dios Rimashcata Quillcashcami

¹⁰ Chaipimi, Apunchic Jesuspac punzhapi Diospac Espíritu ñucata japicpi, ñuca huashamantaca shuc cornetapi tocac shina sinchita rimashca uyarishpaca:

APOCALIPSIS 1:10 Referans Kwoze

APOCALIPSIS 21:10

Diospac Espíritu ñucata japicpimi chai ángel shuc jatun urcu jahuaman pushashpa, jahua pacha Diospac ñaupamanta Diospaclla cac Jerusalén pueblo urai shamucucta ricuchirca.

APOCALIPSIS 17:3

Chai q'uipaca Diospac Espíritu ñucata japicpi shitashca pambaman ángel pushacpimi, shuc huarmi chai manchana puca animalpi montashca tiyacucta ricurcani. Chai animalca canchis umayuc, chunga gachuyuc, shinallatac cuerpopica Diosta c'amishpa quillcashcami carca.

HECHOS 20:7

Semana callari domingo punzhapica, tucui criccunami Jesús huañushcata yuyarishpa, tandata micungapac tandanacurcanchic. Pabloca cayandic ña rina cashcamantami, chaupi tutacaman yachachishpa c'atircalla.

1 CORINTIOS 16:2

Cancunaca mashnata japishcamantaca, tucuillatacmi ashallatapish ch'icanyachishpa, semana callari domingo punzhaca tandana canguichic. Ñuca chayacpi ama tandana tucuchunmi, chashna ruhuachun nini.

SAN JUAN 20:19

Semana callari chai domingo punzhapitacmi ña tutayamugricucpi, yachacuccunaca mandac israelcunata*f** manchashcamanta pungucunata huichcarishpa, tucui tandarishpa tiyacurcacuna. Chashna cacpimi, Jesús paicunapacman chayashpa, chaupipi shayarishpaca: —Cushicuichic, ama manchaichicchu— nirca.

SAN MATEO 22:43

Chashna nicpi Jesusca: —Shinashpaca, ¿ima nishpatac Davidllatac Diospac Espíritu yuyaita cucpica, Quishpichic Cristota ‘ñucata Mandac’ nirca? David huillashpaca:

SAN JUAN 20:26

Pusac punzha q'uipami, cutin yachacuccunaca chai ucullapitac tandanacushca carcacuna. Shinallatac Tomaspish chaipimi carca. Huasi pungucuna huichcashca cacpimi, Jesusca cutin paicunapacman chayashpa chaupipi shayarishpaca: —Cushicuichic, ama manchaichicchu— nirca.

1 CORINTIOS 12:3

Chashna cashcamanta Diospac Espíritu maijanta rimachicucpica: “Jesusca ima llaquipish tucushca canman” nishpaca, mana ninmanchu. Shinallatac maijanpish Diospac Espíritu mana rimachicucpica: “Jesusca Mandacmi” nishpaca, mana ninmanchu.