3 JUAN 1:5 - Nuevo Testamento en Quichua Cañar 1996

⁵ C'uyashca Gayo, criccunaman allita ruhuacushcamantaca allimi cangui. Shinallatac shuctac llactamanta shamuccunamanpish allitami ruhuacungui.

Dios Rimashcata Quillcashcami

⁵ Cuyashca Gayo, criccunaman shinallatac shuctac llactamanta shamuccunaman imata ruhuacushpaca allitami ruhuacungui.

3 JUAN 1:5 Referans Kwoze

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.

SAN LUCAS 12:42

Chashna nicpica Jesusca: “¿Maijantac ñucata alli cazuc, alli yuyaiyuc servic runaca canga? Paipac amo: ‘Ñuca huasita ricungui, serviccunamanpish micuna horas carangui’ nishpa saquicpica, ¿manachu chashna pactachicunman?

SAN MATEO 24:45

¿Maijantac alli cazuc, alli yuyaiyuc servic runaca canga? Paipac amo ‘ñuca huasipi saquiriccunaman micuna horaspi carangui’ nishpa saquicpi alli pactachicmi, alli servicca canga.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

ROMANOS 12:13

Criccunapurapi ima illacpica, quiquinpac ima illashcata shina yuyashpa cunguichic. Maijanpish cancunapac huasiman shamucpica, alli chasquinguichiclla.

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.

3 JUAN 1:3

Maijan criccuna shamushpa “cashcata nic huillashcata uyashpa allimi c'aticun” nishpa canmanta huillacpimi, ñucaca yallita cushicurcani.

3 JUAN 1:10

Chashna cashcamantami ñuca rishpaca, ñucanchicta huashalla parlota ruhuashpa, llullashpa puricuctaca yuyachishpa rimasha. Ashtahuanpish mana chaillatachu ruhuacun. Maijan criccuna pozachichun nicpipish, mana chaquisha ninchu. Shinallatac criccunata chasquishun niccunatapish, tandanacushca criccunamanta llucchishpa cachanmi.

SAN MATEO 25:16

Chai pichca talento cullquita japic runaca, chai japishca cullquihuanca randishpa c'atushpami, pichca talento cullquihuan mirachirca.