2 TIMOTEO 4:5 - Nuevo Testamento en Quichua Cañar 1996

⁵ Chashna cacpipish canca llaquita apashpa, cambac ruhuana cashcata pactachinguilla. Ashtahuan alli yuyaihuan quishpirinamanta alli huillaitaca huillanguilla.

Dios Rimashcata Quillcashcami

⁵ Chashna cacpipish canca, tucuipi alli yuyaihuan cangui, quishpirinamanta alli huillaitaca huillacunguilla, llaquitapish apanguilla, cambac ruhuana cashcata pactachinguilla.

2 TIMOTEO 4:5 Referans Kwoze

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Taita Dios imatapish ruhuaclla cashcahuan ñuca shina llaquita apanguilla.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

2 TIMOTEO 2:3

Canca Jesucristopac alli soldado shina, ñuca shina llaquicunataca apanguilla.

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

HECHOS 21:8

Cayandic punzha ñucanchic chaimanta rishpaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasiman rishpami, chaipi saquirircanchic. Paica criccunata ayudac cachun, canchiscunata acllashcapuramantami carca.

1 TIMOTEO 4:15

Diospacta ruhuashpa alli c'aticushcata tucui mashna ricuchunca, cai ñuca nishcacunapi tucui yuyaita churangui.

1 TESALONICENSES 5:6

Chashna cashcamantami caishuccuna suiñucuc shinaca ña mana causana canchic, ashtahuanpish ñucanchicca alli yuyaihuanmi riccharishca shina causana canchic.

APOCALIPSIS 3:2

Cancuna ima ruhuashcacunapish ñuca Diospac ñaupapica manarac allitac cashcatami ricuni. Chaimanta cancunapac allita ruhuana munaicuna amarac tucuricpi, riccharic shina cutin sinchiyashpa, maipi mana alli ruhuacushcataca allichichic.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

2 TIMOTEO 2:10

Chaimantami Taita Dios tucui acllashcacuna Jesucristohuan shuc shinalla tucushpa, sumaimana huiñai causaita paicunapish japichun nishpa cai llaquicunataca apacuni.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

MARCOS 13:37

Cancunata ‘chaparacuichic’ nishpaca, tucui mashnacunatami chashna nini— nirca.

COLOSENSES 1:25

Taita Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

ROMANOS 15:19

Diospac Espíritu imatapish ruhuachicpimi, pi mana ruhuaipaccunatapish, pi mana ricushcacunatapish ruhuarcani. Chashnami Jerusalén pueblomanta callarishpa, Iliria llactacaman maipipish Cristomanta alli huillaitaca huillarcani.

MARCOS 13:34

Tucui caicunaca, shuc amo caru llactaman ric shinami. Pai manarac rishpami, paita servic runacuna imallata ruhuana cashcataca mandashpa saquin. Huasita cuidactapish ‘alli chaparangui’ nishpami saquin.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita allita huillashpaca, tucui mana israelcunapish*f** uyachun huillarcani. Chashnami Apunchic Jesusca ñucataca, huañuchiccunamantaca p'iña leonpac shimimanta shina anchuchirca.

SAN MATEO 25:16

Chai pichca talento cullquita japic runaca, chai japishca cullquihuanca randishpa c'atushpami, pichca talento cullquihuan mirachirca.